ସରକାରୀ ହାଇସ୍କୁଲରେ ସୃଷ୍ଟି ହେବ ଅତିରିକ୍ତ ଶିକ୍ଷକ ପଦବୀ

ଭୁବନେଶ୍ୱର: ସରକାରୀ ହାଇସ୍କୁଲରେ ସୃଷ୍ଟି ହେବ ଅତିରିକ୍ତ ଶିକ୍ଷକ ପଦବୀ। ଛାତ୍ରଛାତ୍ରୀଙ୍କ କମ୍ପ୍ୟୁଟର ଦକ୍ଷତା ବଢାଇବାକୁ ଆଉଟ ସୋର୍ସିଂ ଜରିଆରେ ନିଯୁକ୍ତ ହେବେ ୮ ହଜାର କମ୍ପ୍ୟୁଟର ଶିକ୍ଷକ । ଏହାସହ ଉର୍ଦ୍ଦୁ ଶିକ୍ଷକ ନିଯୁକ୍ତି ଓ ସପ୍ତମ ବେତନ କମିଶନ ବ୍ୟବସ୍ଥାରୁ ବାଦ୍ ପଡିଥିବା କମର୍ଚାରୀଙ୍କ ବାବଦରେ ବି ନିଷ୍ପତ୍ତି ନିଆଯିବ।

ଏହି ସବୁ ପ୍ରସଙ୍ଗରେ ଆଲୋଚନା ପାଇଁ ଆସନ୍ତାକାଲି ଗଣଶିକ୍ଷା ବିଭାଗର ଗୁରୁତ୍ୱପୂର୍ଣ୍ଣ ବୈଠକ ବସିବ। ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିବାକୁ ଥିବା ଏହି ବୈଠକରେ ଅର୍ଥ ସଚିବ, ଉଚ୍ଚଶିକ୍ଷା ସଚିବ ଓ ବିଭାଗୀୟ ଅଧିକାରୀମାନେ ଯୋଗଦେବେ। ବୈଠକରେ ୬୪୮ ଅନୁଦାନପ୍ରାପ୍ତ ହାଇସ୍କୁଲ ଟେକଓଭର ପ୍ରସଙ୍ଗରେ ବି ଆଲୋଚନା ହେବ ବୋଲି ଜଣାପଡ଼ିଛି ।