ସମ୍ପତ୍ତି ପାଇଁ ବଂଶ ବୁଡ଼ାଇଦେଲେ ସମ୍ପର୍କୀୟ, ଛତିଶଗଡ଼ରେ ୪ ଓଡ଼ିଆଙ୍କୁ ହତ୍ୟା

ରାୟପୁର: ସମ୍ପତ୍ତି ପାଇଁ ବଂଶ ବୁଡ଼ାଇ ଦେଲେ ସମ୍ପର୍କୀୟ । ଛତିଶଗଡ଼ରେ ୪ ଓଡ଼ିଆଙ୍କୁ ହତ୍ୟା । ସ୍ୱାମୀ-ସ୍ତ୍ରୀ ଓ ଦୁଇ ପିଲା ମୃତ । ଦୁର୍ଗ ଜିଲ୍ଲା କୁହ୍ମାରୀ ନିକଟ ଅକେଳି ଗାଁରେ ରହୁଥିଲେ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ଥାନା ଦେଢ଼ଗାଁର ଗୋଟିଏ ପରିବାରର ୪ ଜଣ । ଟାଙ୍ଗିଆରେ ସେମାନଙ୍କୁ ହାଣି ଅତି ନିର୍ମମ ଭାବେ ହତ୍ୟା କରାଯାଇଛି ।

ସମ୍ପତ୍ତି ବିବାଦରୁ ସେମାନଙ୍କୁ କେହି ସମ୍ପର୍କୀୟ ହତ୍ୟା କରିଥିବା ନେଇ ଛତିଶଗଡ଼ ପୋଲିସ ସନ୍ଦେହ କରୁଛି । ମୃତକ ହେଲେ ଭୋଳନାଥ ଯାଦବ, ସ୍ତ୍ରୀ ନେଇଲା ଯାଦବ, ପୁଅ ପ୍ରମୋଦ ଓ ଝିଅ ମୁକ୍ତା । ୧୨ ବର୍ଷ ହେଲା ସ୍ବାମୀ-ସ୍ତ୍ରୀ ଛତିଶଗଡ଼ରେ ପନିପରିବା ବଗିଚାରେ କାମ କରି ଆସୁଥିଲେ । ପୋଲିସ ମୃତଦେହକୁ ଜବତ କରି ଅଧିକ ତଦନ୍ତ ଚଳାଇଛି ।