ନିର୍ଦ୍ୱନ୍ଦରେ ହକି ଇଣ୍ଡିଆ ସଭାପତି ହେଲେ ଦିଲ୍ଲୀପ ତିର୍କୀ

ଭୁବନେଶ୍ୱର: ହକି ଇଣ୍ଡିଆ ସଭାପତି ହେଲେ ଓଡ଼ିଆ ପୁଅ  । ପ୍ରଥମ ଥର ହକି ଇଣ୍ଡିଆ ସଭାପତି ହୋଇଛନ୍ତି ଓଡ଼ିଆ ତାରକା ଦିଲ୍ଲୀପ ତିର୍କୀ । ନିର୍ଦ୍ୱନ୍ଦ୍ୱରେ ଦିଲିପ ତିର୍କୀ ସଭାପତି ଭାବେ ମନୋନୀତ ହୋଇଛନ୍ତି  ।   ପୂର୍ବତନ ହକି ଅଧିନାୟକ ଦିଲିପ ତିର୍କି ୧୮ ତାରିଖରେ ନୋମିନେସନ ଦାଖଲ କରିଥିଲେ  ।  ଅକ୍ଟୋବର ୧ତାରିଖରେ  ହକି ଇଣ୍ଡିଆ ସଭାପତି ନିର୍ବାଚନ ଥିବାବେଳେ ନିର୍ଦ୍ୱନ୍ଦ୍ୱରେ ସଭାପତି ଭାବେ ନିର୍ବାଚିତ ହୋଇଛନ୍ତି  ।

ସେପଟେ ପ୍ରଥମ ଥର ପାଇଁ ହକି ଇଣ୍ଡିଆ ସଭାପତି ଭାବେ ଦିଲ୍ଲୀପ ତିର୍କୀ  ନିର୍ବାଚିତ ହେବାପରେ ଖୁସି ପ୍ରକଟ କରିଛନ୍ତି  । ସେ କହିଛନ୍ତି ଭାରତୀୟ ହକିକୁ ଶୀର୍ଷ ସ୍ତରରେ ପହଁଚାଇବା ମୋର ଲକ୍ଷ୍ୟ  । ତେଣୁ ଯଥା ସମ୍ଭବ ଦଳକୁ ଆଗକୁ ନେବାକୁ ପ୍ରୟାସ କରିବି ବୋଲି କହିଛନ୍ତି ଦିଲ୍ଲୀପ ତିର୍କି  । ଓଡିଶା ମାଟିର ପୁଅ ଦିଲ୍ଲିପ ତିର୍କିଙ୍କୁ ନେଇ ସମଗ୍ର ଓଡ଼ିଶା ଗୌରବାନ୍ୱୀତ  ।

ଦିଲ୍ଲୀପ ତିର୍କୀ ବର୍ତ୍ତମାନ ଓଡ଼ିଶା ହକି ପ୍ରମୋସନ କାଉନସିଲର ଅଧ୍ୟକ୍ଷ ଅଛନ୍ତି । ସେପଟେ ବର୍ତ୍ତମାନ ହକି ଇଣ୍ଡିଆର ସଭାପତି ରହିଛନ୍ତି ନରିନ୍ଦର ବାତ୍ରା  । ତାଙ୍କର କାର୍ଯ୍ୟକାଳ ଖୁବ ଶୀଘ୍ର ସରୁଥିବାବେଳେ ଦିଲ୍ଲିପ ତିର୍କି ଏହି ପଦବୀ ପାଇଁ ନାମାଙ୍କନ ପତ୍ର ଦାଖଲ କରିଥିଲେ  । ଦିଲ୍ଲୀପଙ୍କ ସମେତ ଅନ୍ୟ ଦୁଇ ଜଣ ମଧ୍ୟ ହକି ଇଣ୍ଡିଆ ସଭାପତି ନେଇ ନାମାଙ୍କନ ପତ୍ର ଦାଖଲ କରିଥିଲେ   । ଆଜି ନାମାଙ୍କନ ପ୍ରତ୍ୟାହାରର ଶେଷ ତାରିଖ ଥିବାବେଳେ ଦୁଇ ଜଣ ନାମାଙ୍କନ ପ୍ରତ୍ୟାହାର କରିନେଇଥିଲେ  । ଫଳରେ  ଦିଲ୍ଲୀପ ତିର୍କୀ ନିର୍ଦ୍ୱନ୍ଦରେ ବିଜୟୀ ହୋଇଛନ୍ତି  ।