ସହାୟ ହେଲା ଓଡ଼ିଶା ମୋ ପରିବାର, ଜନ୍ମମାଟିକୁ ଫେରିଲା ପତିପତ୍ନୀଙ୍କ ମୃତଦେହ

କଟକ: ସହାୟ ହେଲା ଓଡ଼ିଶା ମୋ ପରିବାର । ଜନ୍ମମାଟିକୁ ଫେରିଲା ପତିପତ୍ନୀଙ୍କ ମୃତଦେହ । ଗତ ୧୨ତାରିଖରେ ରୋଷେଇ ଘରୁ ନିଆଁ ଲାଗି ଗୁରୁତର ହୋଇଥିଲେ ଗଞ୍ଜାମ ଜିଲ୍ଲା ବୁଗୁଡା ବ୍ଳକ ବଡତଣ୍ଡା ଗାଁର ସ୍ବାମୀ ରାଜକୁମାର ଜାନି ଓ ସ୍ତ୍ରୀ ପଦ୍ମାବତୀ । ଗ୍ରାମବାସୀଙ୍କ ସହଯୋଗରେ ଉଭୟଙ୍କୁ କଟକ ବଡ଼ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ପତିପତ୍ନୀଙ୍କର ମୃତ୍ୟୁ ହୋଇଥିଲା ।

ଅଭାବୀ ପରିବାରର ଥିଲେ ପତି-ପତ୍ନୀ  । ସେପଟେ ଟଙ୍କା ନଥିବାରୁ ମୃତଦେହକୁ ଘରକୁ ନେବାକୁ ଅସହାୟ ପ୍ରକାଶ କରିଥିଲେ ପରିବାର ଲୋକ । ଏନେଇ ସୂଚନା ପାଇବା ପରେ ମୃତଦେହ ନେବାକୁ ବନ୍ଦୋବସ୍ଥ କରିଥିଲା ଓଡ଼ିଶା ମୋ ପରିବାର । ଆମ୍ବୁଲାନ୍ସରେ କଟକ ବଡ଼ ଡାକ୍ତରଖାନାରୁ ବୁଗୁଡ଼ାକୁ ମୃତଦେହକୁ ନିଆଯାଇଛି । ଏଥିପାଇଁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ମୃତକଙ୍କ ପରିବାର ଲୋକ ।