ବିଲକୁ ପାଣି ମଡାଉଥିଲେ, ଧସିଲା ମାଟି ଚାଲିଗଲା ୨ ଜୀବନ

ଟିଟିଲାଗଡ: ବିଲକୁ ପାଣି ନେବାବେଳେ ଧସିଲା ମାଟି  । ଗାତ ଖୋଳି  ଦୁଇ ଜଣଙ୍କ ମୃତ୍ୟୁ । ପୋଖରୀରୁ ବିଲକୁ ପାଣି ନେବାକୁ ନାଳ କରୁଥିବା ବେଳେ ଘଟିଛି ଏହି ଅଘଟଣ । ଟିଟିଲାଗଡ ବ୍ଲକ ଅଦାବାହାଲ ପଞ୍ଚାୟତ ଡୁଙ୍ଗୁରିଗୁଡା ଗାଁର ଏହି ଘଟଣା । ଗାଁର ଗଣେଶ ବାଗ ଓ ପରଦେଶୀ ଭୋଇ ପୋଖରୀ ହିଡକୁ କାଟି ଜମିକୁ ପାଣି ନେବାକୁ ଉଦ୍ୟମ କରୁଥିବା ସମୟରେ ମାଟି ଅତଡ଼ା  ଧସିଥିଲା  ।

ସେହି ସମୟରେ ଗାତ ଭିତରେ ରହି ମାଟି ଖୋଲୁଥିବାରୁ ଉପରୁ ମାଟି ଅତଡ଼ା ଧସିଥିଲା  । ଫଳରେ ଉଭୟ ଚାପି ହୋଇ ରହି ଯାଇଥିଲେ । ଘଟଣାସ୍ଥଳରେ ଦୁଇ ଜଣଙ୍କର  ମୃତ୍ୟୁ ହୋଇଥିବା ଜଣାପଡିଛି । ମାଟି ଭିତରୁ ଜଣକର ମୃତଦେହ  ଉଦ୍ଧାର କରାଯାଇଥିବା ବେଳେ ଅନ୍ୟ ଜଣଙ୍କ ମୃତଦେହ ମାଟିରେ ଭିତରେ ଫସି ରହିଥିବା ଜଣାପଡ଼ିଛି  ।