ଜୟ ଶାହା ବିସିସିଆଇ ସଂପାଦକ କାହିଁକି ?

ଏକ ନାଟକୀୟ ଘଟଣାକ୍ରମେ ଭାରତୀୟ କ୍ରିକେଟ ଟିମ୍‌ର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ହେବେ ବିସିସିଆଇର ସଭାପତି  । ଗୃହମନ୍ତ୍ରୀ ଅମିତ ଶାହଙ୍କ ପୁଅ ଜୟ ଶାହା ହେବେ ବିଶ୍ବର ଏହି ସର୍ବୋଚ୍ଚ ଧନୀ ବୋର୍ଡର ସଂପାଦକ  । ଏ ନେଇ ଆରମ୍ଭ ହୋଇଛି ସମସ୍ତ ପ୍ରକ୍ରିୟା  । ଗାଙ୍ଗୁଲି ସଭାପତି ହେବେ, ଲୋଧା କମିଟିର ସୁପାରିଶ ଅନୁସାରେ ଏହା ସବୁଠୁ ବଡ଼ ଖୁସି ଏବଂ ଗର୍ବର କଥା  । କିନ୍ତୁ ଜୟ ଶାହ କଣ ପାଇଁ ହେବେ ବିସିସିଆଇ ସଂପାଦକ ? କଣ ଅଛି ତାଙ୍କର ଯୋଗ୍ୟତା ? ବାପାଙ୍କ ପ୍ରତିପତ୍ତି ଓ ରାଜନୈତିକ ଶକ୍ତି ବଳରେ ଜୟ ସଂପାଦକ ପଦବୀ ହାତେଇବାକୁ ଯାଉନାହାନ୍ତି ତ ? ଏ ପ୍ରଶ୍ନ ଏବେ ସମସ୍ତଙ୍କ ମନରେ  । ତେବେ ଆସନ୍ତୁ ଜାଣିବା ଜୟ ଶାହାଙ୍କ ସଂପର୍କରେ କିଛି ତଥ୍ୟ  ।

୧.ଜୟ ଶାହ ଚର୍ଚ୍ଚାକୁ ଆସିଥିଲେ, ଯେବେ ତାଙ୍କ କମ୍ପାନୀ ଟେମ୍ପଲ ଏଣ୍ଟରପ୍ରାଇେଜସ୍ର ବ୍ୟବସାୟ ଏକାଥରେ ବଢ଼ିଥିଲା ୧୬ହଜାର ଗୁଣା  । ଏବଂ ଏହାକୁ ନେଇ ଏକ ଡିଜିଟାଲ ପ୍ଲାଟଫର୍ମରେ ‘ଦ ଗୋଲଡେନ ଟଚ୍ ଅଫ ଜୟ ଅମିତ ଶାହ ଖବର ବାହାରିଥିଲା । ସେ ସମୟରେ ସାରା ଦେଶରେ ବାପପୁଅଙ୍କୁ ସମାଲୋଚନା କରାଯାଇଥିଲା  । ସମସ୍ତେ ଜାଣିବାକୁ ଚାହିଁଥିଲେ କଣ ସେହି ବିଜନେସ୍‌ ମଡେଲ ଯାହା ଏତେ ଲାଭ ଦେଇପାରୁଛି  ।

୨. ଜୟ ଶାହଙ୍କ ନିରମା ବିଶ୍ବବିଦ୍ୟାଳୟରୁ ବୈଷୟିକ ଶିକ୍ଷାରେ ହାସଲ କରିଛନ୍ତି ବି.ଟେକ୍‌ ଡିଗ୍ରୀ  ।

୩. ଅହମ୍ମଦାବାଦ ମିରର ଦୈନିକ ଖବରକାଗଜର ରିପୋର୍ଟ ଅନୁସାରେ ଜୟ ଜଣେ ଭଲ ବ୍ୟାଟସମ୍ୟାନ ଥିଲେ  । ଗୁଜୁରାଟ କୋଚ ଜୟେନ୍ଦ୍ର ସେହଗଲଙ୍କ ଅଧିନରେ ସେ ପ୍ରଶିକ୍ଷଣ ନେଉଥିଲେ  ।

୪. ୨୦୦୯ରେ ଗୁଜୁରାଟ କ୍ରିକେଟ ସଂଘର କାର୍ଯ୍ୟନିର୍ବାହୀ ସଦସ୍ୟ ହୋଇଥିଲେ ଅମିତ ନନ୍ଦନ  । ପରବର୍ତ୍ତୀ ସମୟରେ ୨୦୧୩ରେ ସେହି କ୍ରିକେଟ ବୋର୍ଡର ଯୁଗ୍ମ ସଂପାଦକ ଭାବେ ନିର୍ବାଚିତ ହୋଇଥିଲେ  ।

୫. ବାପାଙ୍କ ପରି ଷ୍ଟକ ମାର୍କେଟ ବ୍ୟବସାୟ ପାଇଁ ବହୁତ ଶୀଘ୍ର ମନ ବଳାଇଥିଲେ ଜୟ ଶାହ  ।

  ')}