ଧର୍ମେନ୍ଦ୍ର ପ୍ରଧାନ ପରବର୍ତ୍ତୀ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ହେବା ନେଇ ଚର୍ଚ୍ଚା

ଭୁବନେଶ୍ୱର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ହୋଇପାରନ୍ତି ପରବର୍ତ୍ତୀ ବିଜେପି ରାଷ୍ଟ୍ରୀୟ ଅଧ୍ୟକ୍ଷ । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ଼୍ଡ଼ାଙ୍କ କାର୍ଯ୍ୟକାଳ ଶେଷ ହେବାକୁ ଯାଉଥିବାରୁ ଏହି ଚର୍ଚ୍ଚା ଜୋର ଧରିଛି । ବିଜେପି ଦଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦବଦବା ରହିଛି । ତେଣୁ ଜେପି ନଡ଼ାଙ୍କ ପରେ ସେ ଦଳର ମଙ୍ଗ ଧରିବେ । ବିଜେପିର ପ୍ରଭାବଶାଳୀ ନେତାଭାବେ ନିଜର ଦକ୍ଷତା ଦେଖାଇଥିବା ଧର୍ମେନ୍ଦ୍ର ପ୍ରଧାନ ଅନେକ ସମୟରେ ଦଳର କ୍ରାଇସିସ୍ ମ୍ୟାନେଜର ଭାବେ ଉଭା ହୋଇ କାମ କରିଛନ୍ତି ।

ନିର୍ବାଚନ ସମୟରେ ବିଭିନ୍ନ ରାଜ୍ୟରେ ଦାୟିତ୍ବ ନେଇ ସେ ଦଳକୁ ସଫଳତା ଆଣି ଦେଇଛନ୍ତି । ଉତ୍ତର ପ୍ରଦେଶ, ପଶ୍ଚିମବଙ୍ଗ, କଣ୍ଣାଟକର ଦାୟିତ୍ବ ନେଇ ସେ ନିଜର ଦକ୍ଷତା ଦେଖାଇଛନ୍ତି । ଏମିତିକି ପ୍ରଧାନମନ୍ତ୍ରୀ ଓ ଅମିତ ଶାହାଙ୍କ କୋର ଟିମରେ ମଧ୍ୟ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବେଶ ପ୍ରଭାବ ରହିଛି । ଦଳର ଯେଉଁ କେତେଜଣ ପ୍ରଭାବଶାଳୀ ନେତା ଅଛନ୍ତି ସେମାନଙ୍କ ମଧ୍ୟରେ ସେ ଅନ୍ୟତମ ।

ଛାତ୍ର ରାଜନୀତିରୁ କ୍ୟାରିୟର ଆରମ୍ଭ କରି ଦଳର ବିଭିନ୍ନ ଦାୟିତ୍ବ ତୁଲାଇବା ସହ ଦୁଇଥର କେନ୍ଦ୍ରମନ୍ତ୍ରୀ ଭାବେ ଦାୟି୍ତ୍ବ ସଫଳତାର ସହ ତୁଲାଇଛନ୍ତି ଆଜିଯାଏ । ଓଡ଼ିଶା ବିଜେପି ରାଜନୀତିରେ ମଧ୍ୟ ତାଙ୍କର ବେଶ ପ୍ରଭାବ ରହିଛି । ସାଂଗଠନିକ ଦକ୍ଷତା ଓ ପ୍ରଧାମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହାଭ୍କ ବିଶ୍ସ୍ତ ହୋଇଥିବା ଧମେର୍ନ୍ଦ୍ର ପ୍ରଧାନ ବିଜେପିର ପରବର୍ତ୍ତୀ ରାଷ୍ଟ୍ରୀୟ ଅଧ୍ୟକ୍ଷ ହେବା ଚର୍ଚ୍ଚାକୁ ରାଜ୍ୟ ବିଜେପି ନେତାମତ ରଖିଛନ୍ତି ।