ମୋର ପ୍ରଧାନମନ୍ତ୍ରୀ ହେବାର ଇଚ୍ଛା ନାହିଁ: ନୀତୀଶ କୁମାର

ପାଟନା: ପ୍ରଧାନମନ୍ତ୍ରୀ ହେବା ଚର୍ଚ୍ଚାରେ ପୂର୍ଣ୍ଣଛେଦ ପକାଇଲେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର । ତାଙ୍କର ପ୍ରଧାନମନ୍ତ୍ରୀ ହେବାର କୌଣସି ଇଚ୍ଛା ନାହିଁ । ବରଂ ୨୦୨୪ ପୂର୍ବରୁ ସବୁ ବିରୋଧୀ ଏକଜୁଟ୍ ହେବାର ସମୟ ଆସିଲାଣି ବୋଲି ସେ କହିଛନ୍ତି ।  ବିରୋଧୀ ଏକଜୁଟ୍ ହୋଇ ଦେଶର ସମସ୍ୟାକୁ ସମାଧାନ କରିବାକୁ ପଡିବ । ଏନେଇ ସେ ବିଭିନ୍ନ ରାଜନୈତିକ ଦଳ ସହ ଆଲୋଚନା ଜାରି ରଖିଛନ୍ତି । ଖୁବଶୀଘ୍ର ଏନେଇ ଏକ ଏଜେଣ୍ଡା ପ୍ରସ୍ତୁତ ହେବ । ୨୦୧୪ରେ ଯିଏ ସରକାରକୁ ଆସିଥିଲେ ସେମାନେ ଚିନ୍ତା କରିବା ଦରକାର ଯେ ୨୦୨୪ରେ ସରକାର ଗଠନ କରିପାରିବେ କି ନାହିଁ । କାରଣ ସେତେବେଳର ସମୟ ଆଉ ଏବେ ନାହିଁ । ବର୍ତ୍ତମାନ ଲୋକ ସଚେତନ ହେଲେଣି ବୋଲି କହିଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ।