ଜଳଭଣ୍ଡାରରେ ନିଖୋଜ ଇଞ୍ଜିନିୟରଙ୍କ ମୃତଦେହ ଉଦ୍ଧାର
ଅନୁଗୁଳ: ଡେରେଜାଙ୍ଗ ଜଳଭଣ୍ଡାରରେ ନିଖୋଜ ଯୁବ ଇଞ୍ଜିନିୟରଙ୍କର ମିଳିଲା ମୃତଦେହ । ଆଜି ସକାଳେ ବିଭାଂଶୁ ହୋତାଙ୍କ ମୃତଦେହ ଭାସୁଥିବା ଦେଖିଥିଲେ ସ୍ଥାନୀୟ ଲୋକେ । ରବିବାର ସନ୍ଧ୍ୟାରୁ ବନ୍ଧୁତ୍ୱ ଦିବସ ପାଳନ କରିବାକୁ ଆସି ପାଣିରେ ଭାସି ନିଖୋଜ ଥିଲେ ବିଭାଂଶୁ । ଅଗ୍ନିଶମ ଓ ଓଡ୍ରାଫ ଟିମଙ୍କ ସର୍ଚ୍ଚ ଅପରେସନ ଜାରି ରହିଥିଲା । ହେଲେ ଗତକାଲି ପ୍ରବଳ ବର୍ଷା ଯୋଗୁ ସର୍ଚ୍ଚ ଅପରେସନ ବାଧାପ୍ରାପ୍ତ ହୋଇଥିଲା । ବିଭ୍ରାଂଶୁ ଘରୋଇ କମ୍ପାନୀରେ ଇଂଜିନିୟର ଭାବେ କାର୍ଯ୍ୟରତ ଥିଲେ । ବନ୍ଧୁତ୍ୱ ଦିବସ ପାଳନ ପାଇଁ 4ଜଣ ସାଙ୍ଗ ପ୍ରୋଜେକ୍ଟ ଅଞ୍ଚଳକୁ ଯାଇଥିବା ବେଳେ ଗୋଡ଼ ଖସି ନିଖୋଜ ହୋଇଥିଲେ ।
