ଆମେରିକାରେ ବଢ଼ିବେ ଓଡ଼ିଶାର ଯାଆଁଳା ଭଉଣୀ କଟକୀ ଓ ସୁନ୍ଦରୀ, କୋଳେଇନେଲେ ଆମେରିକୀୟ ଦମ୍ପତି

ଯାଜପୁର: ଶକ୍ତିଶାଳୀ ରାଷ୍ଟ୍ରରେ ବଢିବେ ଓଡ଼ିଶାର ଦୁଇ ସୁନା ଝିଅ । କଟକୀ ଓ ସୁନ୍ଦରୀଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କଲେ ଆମେରିକୀୟ ଦମ୍ପତି । ଯାଜପୁର ଜିଲ୍ଲା ବଡ଼ଚଣା ବ୍ଲକ ବୁଢାକେନ୍ଦୁଆଠାରେ ଥିବା ନେସନ ଶିଶୁ ଯତ୍ନ ଅନୁଷ୍ଠାନରୁ ଦୁଇ ଶିଶୁଙ୍କୁ ଆପଣେଇଛନ୍ତି ଆମେରିକୀୟ ଦମ୍ପତି ।

ସୂଚନା ମୁତାବକ ଆମେରିକୀୟ ଦମ୍ପତି ଏରିକା ଓ ଫିଲିପ ଦୁଇ ଯାଆଁଳା ଶିଶୁ କନ୍ୟା କଟକୀ ଓ ସୁନ୍ଦରୀଙ୍କୁ ନିଜ ପୋଷ୍ୟସନ୍ତାନ ଭାବେ ଗ୍ରହଣ କରିଛନ୍ତି। ନେସନର ମୁଖ୍ୟ ପରିଚାଳକ ପ୍ରଦ୍ୟୁମ୍ନ ପାତ୍ର, ଜିଲ୍ଲା ଶିଶୁ ସୁରକ୍ଷା ଅଧିକାରୀ, ଜିଲ୍ଲା ଶିଶୁ ମଙ୍ଗଳ କମିଟିର ଚ୍ୟାରମୟାନ ଓ ଅନ୍ୟ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଦୁଇ ଶିଶୁ କନ୍ୟାଙ୍କୁ ହସ୍ତାନ୍ତର କରାଯାଇଛି।