ଜୁବେରଙ୍କୁ ୧୪ ଦିନିଆ ବିଚାର ବିଭାଗୀୟ ହେପାଜତକୁ ପଠାଇଲେ କୋର୍ଟ

ନୂଆଦିଲ୍ଲୀ: ଅଲ୍ଟ ନିଉଜର ସହ ସଂସ୍ଥାପକ ମହମ୍ମଦ ଜୁବେରଙ୍କୁ ଆଉ ଏକ ଝଟକା ଲାଗିଛି  । ଦିଲ୍ଲୀ ପଟିଆଲା ହାଉସ କୋର୍ଟର ମୁଖ୍ୟ ମେଟ୍ରୋପଲିଟାନ ମାଜିଷ୍ଟ୍ରେଟ ଜୁବେରଙ୍କ ଜାମିନ ଆବେଦନକୁ ଖାରଜ କରିଦେଇଛନ୍ତି  । କୋର୍ଟ ମହମ୍ମଦ ଜୁବେରଙ୍କୁ ୧୪ ଦିନିଆ ବିଚାରବିଭାଗୀୟ ହେପାଜତକୁ ପଠାଇଛନ୍ତି  । ଦିଲ୍ଲୀ ପୋଲିସ  ହିଂସା ପାଇଁ ପ୍ରବର୍ତ୍ତାଇବା ଅଭିଯୋଗରେ ଜୁବେରଙ୍କ ବିଚାର ବିଭାଗୀୟ ହେପାଜତ ପାଇଁ ଆବେଦନ କରିଥିଲା ।

ଦିଲ୍ଲୀ ପୋଲିସ ଜୁବେର ଦ୍ୱାରା ଷଡଯନ୍ତ୍ର ଏବଂ ପ୍ରମାଣ ନଷ୍ଟ କରିବାର ଅଭିଯୋଗ କରିଥିଲା  । ପୋଲିସ କହିଥିଲା ଯେ, ଜୁବେରଙ୍କୁ ବିଦେଶରୁ ଫଣ୍ଡ ମିଳୁଥିଲା  । ଏଫଆଇଆରରେ ଦିଲ୍ଲୀ ପୋଲିସ ତିନି ନୂଆ ଧାରା-୨୦୧, ୧୨୦ବି ଏବଂ ଏଫସିଆରଏର ୩୫ ମାମଲା ଯୋଡିଛି।  ଜୁବେର ଟ୍ୱିଟ ଜରିଆରେ ହିନ୍ଦୁଙ୍କ ଧାର୍ମିକ ଭାବନାକୁ ଆଘାତ କରିବା ଅଭିଯୋଗରେ ସୋମବାର ତାଙ୍କୁ ଗିରଫ କରାଯାଇଥିଲା ।