ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଯୋଗୀ

ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ନେଇ ସାମ୍ନାକୁ ଆସିଛି ଏକ ବଡ଼ ଖବର । ଏକ ବଡ଼ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତିଛନ୍ତି  ଯୋଗୀ । ଏକ ପକ୍ଷୀ ଅଚାନକ ଆସି ହେଲିକପ୍ଟରରେ ଧକ୍କା ହେବାରୁ ତାଙ୍କୁ ଏମରଜେନ୍ସି ଲ୍ୟାଣ୍ଡିଂ କରିବାକୁ ପଡିଲା । ବାରଣାସୀରେ ହିଁ ତାଙ୍କ ଚପରକୁ ଜରୁରୀକାଳୀନ ଅବତରଣ କରାଯାଇଛି ।  ସୂଚନା ଅନୁସାରେ ସେ ବର୍ତ୍ତମାନ ସୁସ୍ଥ ଓ ସୁରକ୍ଷିତ ଅଛନ୍ତି  ।

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ହେଲିକପ୍ଟର ଯୋଗେ ବାରଣାସୀରୁ ଲକ୍ଷ୍ନୌ ଯାଉଥିଲେ । ଉଡ଼ାଣର କିଛି ସମୟ ପରେ ହେଲିକପ୍ଟରରେ ଅଚାନକ ଏକ ପକ୍ଷୀ ଧକ୍କା ଦେଇଥିଲା । ଏପରି ଘଟଣା ପରେ ସଙ୍ଗେ ସଙ୍ଗେ ବାରଣାସୀରେ ହିଁ ଏମରଜେନ୍ସି ଲ୍ୟାଣ୍ଡିଂ କରାଯାଇଥିଲା ଏବଂ ସେହି  ହେଲିକପ୍ଟରକୁ ବର୍ତ୍ତମାନ ଯାଞ୍ଚ କରାଯାଉଛି । ଜରୁରୀକାଳୀନ ଅବତରଣ ପରେ ବିକଳ୍ପ ବ୍ୟବସ୍ଥାରେ ଆଉ ଏକ ହେଲିକପ୍ଟରରେ ସେ ଲକ୍ଷ୍ନୌ ଗସ୍ତ କରିଥିଲେ  ।

ଆପଣ ମାନଙ୍କୁ ଜଣାଇ ଦିଆଯାଉଛି ଯେ, ଯେବେ ଏପରି କିଛି ଘଟଣା ଘଟିଥାଏ ତାହେଲେ ସଙ୍ଗେ ସଙ୍ଗେ ହେଲିକପ୍ଟରକୁ ଜରୁରୀକାଳୀନ ଅବତରଣ କରାଯାଇଥାଏ । ଏହା ପରେ ସେହି ହେଲିକପ୍ଟରକୁ ଟେକନିକାଲ ଟିମ୍ ଭଲଭାବରେ ଯାଞ୍ଚ କରିଥାନ୍ତି । ଯେ ପର୍ଯ୍ୟନ୍ତ ଏହା ସମ୍ପୂର୍ଣ୍ଣ ରୂପରେ ଠିକ୍ ହୋଇ ନଯାଏ ସେ ପର୍ଯ୍ୟନ୍ତ ସେହି ଆଇପି ହେଲିକପ୍ଟରକୁ ଉଡେଇବାକୁ ଦିଆଯାଏ ନାହିଁ ।