୧୬ ବିଦ୍ରୋହୀ ବିଧାୟକଙ୍କୁ ନୋଟିସ୍

ନୂଆଦିଲ୍ଲୀ: ମହାରାଷ୍ଟ୍ର ରାଜନୀତିରେ ଲଗାତାର ଟ୍ୱିଷ୍ଟ ଦେଖିବାକୁ ମିଳୁଛି  । ଶିବସେନାଠୁ ଅଲଗା ହୋଇ ଏକନାଥ ସିନ୍ଦେ ସରକାରଙ୍କ ବିରୋଧରେ ଲଗାତାର ଶକ୍ତି ପ୍ରଦର୍ଶନ କରୁଛନ୍ତି  । ନୂଆ ଦଳ ଗଢ଼ି ସରକାର ଗଢିବାକୁ ଋଣନୀତି କରୁଛନ୍ତି । ଏପଟେ ସମସ୍ତ ପ୍ରକାର ସ୍ଥିତିର ମୁକାବିଲା କରିବା ପାଇଁ ଶିବସେନା ବିଦ୍ରୋହୀଙ୍କ ବିରୋଧରେ ଗୋଟିଏ ପରେ ଗୋଟିଏ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରୁଛି  ।

ଆଜି ମଧ୍ୟାହ୍ନରେ ଶିବସେନା ଭବନରେ ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିଲା  । ଏହି ଅବସରରେ ଶିବସେନା ସୁପ୍ରିମୋ ଉଦ୍ଧବ ଠାକରେ ବଡ ବୟାନ ଦେଇଛନ୍ତି  । ସେ କହିଛନ୍ତି ବିଦ୍ରୋହୀ ବିଧାୟକଙ୍କ ମାମଲାରେ ସେ ଦଖଲ ଦେବେନି  । ସେମାନେ ନିଜ ନିଷ୍ପତ୍ତି ନିଜେ ନିଅନ୍ତୁ, କିନ୍ତୁ କେହି ବି ବାଲାସାହେବ ଠାକରେଙ୍କ ନାଁକୁ ବ୍ୟବହାର କରିପାରିବେ ନାହିଁ  ।

ଅବଶ୍ୟ ଶିବସେନା କାର୍ମକର୍ତ୍ତା ବିଦ୍ରୋହୀ ବିଧାୟକଙ୍କ ବିରୋଧରେ ବିରୋଧ ପ୍ରଦର୍ଶନ କରିଥିଲେ  । ଶିବସୈନିକମାନେ ଖାରଘରରେ ଦଳୀୟ କାର୍ଯ୍ୟାଳୟ ବାହାରେ ଏକନାଥ ସିନ୍ଦେଙ୍କ କୁଶପୁତ୍ତଳିକା ଦାହ କରିଛନ୍ତି  । ଅନ୍ୟପକ୍ଷରେ ମୁମ୍ବାଇ ପୋଲିସ ଶହରରେ ୧୪୪ ଧାରା ଲାଗୁ କରିଛି  । ଡେପୁଟି ସ୍ପିକର ଏକନାଥ ସିନ୍ଦେ ଶିବିରର ୧୬ ବିଧାୟକଙ୍କୁ ସଦସ୍ନୋୟତା ରଦ୍ଦ ନୋଟିସ୍ ଜାରି କରିଛନ୍ତି  । ଏଥିସହିତ ଏହି ବିଧାୟକମାନଙ୍କୁ ସୋମବାର ସୁଦ୍ଧା ଲିଖିତ ଜବାବ ଦାଖଲ କରିବାକୁ କହିଛନ୍ତି  ।