ଆମେରିକୀୟ ସୁପ୍ରିମକୋର୍ଟଙ୍କ ବଡ଼ ରାୟ; ଆଉ ଗର୍ଭନଷ୍ଟ କରିପାରିବେନି ମହିଳା

ୱାଶିଂଟନ: ଆମେରିକୀୟ ସୁପ୍ରିମକୋର୍ଟଙ୍କ ବଡ ରାୟ  । ଏବେ ଆଉ ଗର୍ଭ ନଷ୍ଟ କରିପାରିବେନି ମହିଳା  । ଶୁକ୍ରବାର ବଡ ଫୈସଲା ଶୁଣାଇବା ସହ ଗର୍ଭନଷ୍ଟ ଅଧିକାରକୁ ରଦ୍ଦ ଘୋଷଣା କରିଛନ୍ତି କୋର୍ଟ । ଏହି ଆଇନ ଆଧାରରେ ଆମେରିକୀୟ ମହିଳାମାନଙ୍କ ପାଖରେ ଗର୍ଭନଷ୍ଟ କରିବା ବା ନକରିବା ପାଇଁ ନିଜେ ନିଷ୍ପତ୍ତି ନେବାର ଅଧିକାର ଥିଲା  । ୫୦ ବର୍ଷ ହେବ ଚାଲିଥିବା ସାମ୍ବିଧାନିକ ଅଧିକାରକୁ ଆଜି ସମାପ୍ତ କରାଯାଇଛି  ।

କୋର୍ଟ ୧୯୭୩ ମସିହାରେ ଐତିହାସିକ ‘ରୋ ବନାମ ୱାଡେ’ ମାମଲାରେ ରାୟ ଶୁଣାଇ ଗର୍ଭନଷ୍ଟ ଆଇନକୁ ବୈଧ ବୋଲି କହିଥିଲେ  । ୧୯୭୩ର ଏହି ଆଇନ ମହିଳାଙ୍କ ଗର୍ଭନଷ୍ଟ ଅଧିକାର ସାବ୍ୟସ୍ତ କରୁଥିଲା ଏବଂ ରାଜ୍ୟମାନେ ଏହି ନିଷ୍ପତ୍ତି ନେବାକୁ ସ୍ୱତନ୍ତ୍ର ଥିଲେ ଯେ ଅନୁମତି ଦେବେ କି ପ୍ରତିବନ୍ଧକ ଲଗାଇବେ  । କିନ୍ତୁ ଆଜି ସୁପ୍ରିମକୋର୍ଟ ଐତିହାସିକ ରାୟ ଶୁଣାଇ ଏହି ଅଧିକାରକୁ ରଦ୍ଦ କରିଛନ୍ତି  ।

 ଯଦି କେହି ମହିଳା ଏବେ ଗର୍ଭନଷ୍ଟ କରନ୍ତି ତେବେ ଏହାକୁ ବେଆଇନ ବୋଲି ବିବେଚନା କରାଯିବା ସହ ଆଇନ ଅନୁଯାୟୀ କାର୍ଯାନୁଷ୍ଠାନ ନିଆଯିବ  ।  ସୂଚନାଯୋଗ୍ୟ ଦୀର୍ଘଦିନ ହେବ ଏହି ୫ଦଶକ ପୂରୁଣା ରାଏକୁ ଲୋକମାନେ ବିରୋଧ କରିଆସୁଥିଲେ  । ରାୟକୁ ଫେରାଇନେବାକୁ ଆମେରିକୀୟ ସମାଜର କିଛି ଲୋକ ଆନ୍ଦୋଳନ କରୁଥିବା ବେଳେ ସମର୍ଥନ କରୁଥିବା ଲୋକ ଏହି ଅଧିକାର ଜାରି ରହୁ ବୋଲି ଦାବି କରିଆସୁଥିଲେ  । ସୁପ୍ରିମକୋର୍ଟରେ ଏହି ମାମଲାର ଶୁଣାଣି ଚାଲିଥିଲା  । ଆଜି ରାୟ ପ୍ରକାଶ ପାଇଛି  ।