ଖରିଫ ଫସଲ ପାଇଁ ବଢ଼ିଲା ସର୍ବନିମ୍ନ ସହାୟକ ମୂଲ୍ୟ

ନୂଆଦିଲ୍ଲୀ: ଖରିଫ ଫସଲ ଲାଗି ବଢ଼ିଲା ସର୍ବନିମ୍ନ ସହାୟକ ମୂଲ୍ୟ ବା ଏସଏସପି । ଆଜି କେନ୍ଦ୍ର କ୍ୟାବିନେଟ ବୈଠକରେ ୧୭ଟି ଫସଲ ଲାଗି ଏମଏସପି ନେଇ ନୀତି ନିର୍ଦ୍ଧାରଣ କରିଛନ୍ତି କେନ୍ଦ୍ର ସରକାର । ୨୦୨୨-୨୩ ଲାଗି ଖରିଫ ଫସଲ ଲାଗି ବୃଦ୍ଧି ଲାଗୁ ହୋଇଛି । ଧାନର ସର୍ବନିମ୍ନ ସହାୟକ ମୂଲ୍ୟ ୨୦୪୦ ଟଙ୍କାକୁ ବୃଦ୍ଧି କରାଯାଇଛି । ପୂର୍ବରୁ ୧୯୪୦ଟଙ୍କା ଥିବାବେଳେ ଏବେ କ୍ୱିଣ୍ଟାଲ ପିଛା ୧୦୦ ଟଙ୍କା ବଢ଼ିଛି । ପୂର୍ବରୁ ଧାନର ସର୍ବନିମ୍ନ ସହାୟକ ମୂଲ୍ୟ ୨୯୩୦ ଟଙ୍କା କରିବାକୁ ଓଡ଼ିଶା ବିଧାନସଭାରେ ସର୍ବସମ୍ମତ ପ୍ରସ୍ତାବ ପାରିତ ହୋଇଥିଲା । ଧାନ ସହ ମୁଗ, ହରଡ଼, ସୂର୍ଯ୍ୟମୁଖୀ ଆଦି ତୈଳବୀଜ ଲାଗି ମଧ୍ୟ ଏମଏସପି ବୃଦ୍ଧି ହୋଇଛି । ଧାନ ପରି ମୁଗ ଲାଗି ମଧ୍ୟ କୁଇଣ୍ଟାଲ ପିଛା ୪୮୦ ଟଙ୍କା ବୃଦ୍ଧି ହୋଇଥିବାବେଳେ ସୂର୍ଯ୍ୟମୁଖୀ ଲାଗି କୁଇଣ୍ଟାଲ ପିଛା ୩୮୫ ଟଙ୍କା ବଢ଼ାଯାଇଛି ।