ବାରବାଟୀରେ ପହଞ୍ଚି ପ୍ରସ୍ତୁତି ଦେଖିଲେ ପ୍ରଣବ ପ୍ରକାଶ
1 min read
କଟକ: ଭାରତ – ଦକ୍ଷିଣ ଆଫ୍ରିକା ମ୍ୟାଚ ପୂର୍ବରୁ ବାରବାଟୀରେ ପହଁଚି ସ୍ଥିତି ସମୀକ୍ଷା କଲେ ପ୍ରଣବ ପ୍ରକାଶ ଦାସ । କିପରି ଚାଲିଛି ମ୍ଯାଚ ପ୍ରସ୍ତୁତି ? ବାରବାଟୀରେ ପହଞ୍ଚି ଭାରତ ଦକ୍ଷିଣ ଆଫ୍ରିକା ଟି-ଟ୍ବେଣ୍ଟି ମ୍ୟାଚର ପ୍ରସ୍ତୁତି ଦେଖିଛନ୍ତି ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ । ଷ୍ଟାଡିୟମ ବୁଲି ଦେଖିବା ସହ ମ୍ୟାଚର ସଫଳ ଆୟୋଜନ ନେଇ ବିସ୍ତୃତ ଭାବେ ଓସିଏ ସଂପାଦକ ସଂଜୟ ବେହେରାଙ୍କ ସହ ଆଲୋଚନା କରିଛନ୍ତି ପ୍ରଣବ ।
ରାଜ୍ୟ ସରକାର କ୍ରୀଡାକୁ ସର୍ବାଧିକ ଗୁରୁତ୍ୱ ଦେଉଥିବାରୁ ମ୍ୟାଚ ବିଷୟରେ ବୁଝିବା ପାଇଁ ବିଜେଡି ସାଂଗଠନିକ ସଂପାଦକ ଆସିଥିଲେ ବୋଲି ଓସିଏ ସଂପାଦକ ସଂଜୟ ବେହେରା କହିଛନ୍ତି । ବାରବାଟୀରେ ଜୁନ 12ତାରିଖରେ ଭାରତ ଦକ୍ଷିଣ ଆଫ୍ରିକା ଟି-ଟ୍ବେଣ୍ଟି ମ୍ୟାଚ ହେବ । ତେବେ ମ୍ୟାଚକୁ ସଫଳ କରିବା ନିମନ୍ତେ ଲାଗି ପଡ଼ିଛି ଓସିଏ ଓ ରାଜ୍ୟ କ୍ରୀଡ଼ା ବିଭାଗ ।
