ହତ୍ୟା ଅଭିଯୋଗରେ ‘ମେଣ୍ଢା’କୁ ବର୍ଷେ ଜେଲ୍ !

ଜୁବା: ଆଫ୍ରିକୀୟ ଦେଶ ଦକ୍ଷିଣ ସୁଦାନରେ ହତ୍ୟା ମାମଲାରେ ଏକ ମେଣ୍ଢାକୁ ୩ ବର୍ଷ ପାଇଁ ଜେଲ୍ ଦଣ୍ଡାଦେଶ ଦିଆଯାଇଛି । ଏହି ମେଣ୍ଢାଟି ଜଣେ ବୃଦ୍ଧ ମହିଳା ଆଡିୟୁ ଚାପିଙ୍ଗ (୪୫)ଙ୍କୁ ଶିଙ୍ଗରେ ହତ୍ୟା କରି ଦୋଷୀ ସାବ୍ୟସ୍ତ ହୋଇଛି| ଖାଲି ଏତିକି ନୁହେଁ ମେଣ୍ଢା ଶିଙ୍ଗରେ ମହିଳାଙ୍କ ଛାତିରେ ଅନେକ ଥର ଆଘାତ କରିଥିବା ଯୋଗୁଁ ତାଙ୍କର ମୃତ୍ୟୁ ବରଣ ହୋଇଛି । ଫଳରେ ଦଣ୍ଡ ସ୍ୱରୂପ ଏକ ସେନା ଶିବିରରେ ତିନି ବର୍ଷ ପର୍ଯ୍ୟନ୍ତ ରହିବ ମେଣ୍ଢାଟି ।

ଦକ୍ଷିଣ ସୁଦାନର ବୟସ୍କ ବ୍ୟକ୍ତି ମାନେ ଦୋଷୀ ମେଣ୍ଢାକୁ ଏହି ଦଣ୍ଡ ଶୁଣାଇଛନ୍ତି । ଅନ୍ୟପକ୍ଷରେ ପୀଡିତାଙ୍କ ପରିବାରକୁ କ୍ଷତିପୂରଣ ସ୍ୱରୂପ ୫ଟି ଗାଈ ଦେବେ ମେଣ୍ଢାର ମାଲିକ । ଆଫ୍ରିକାରେ ଗାଈକୁ ଏକ ସମ୍ପତ୍ତି ଭାବରେ ବିବେଚନା କରାଯାଏ । ଏନେଇ ଜଣେ ପୋଲିସ୍ ଅଧିକାରୀ ଇଲିଜା ମାବୋର କହିଛନ୍ତି ଯେ, ଘଟଣାଟି ପୂର୍ବ ମ୍ବେକ୍ ଅଞ୍ଚଳରେ ଘଟିଛି।

ସେ ଆହୁରି ମଧ୍ୟ କହିଛନ୍ତି, “ପୋଲିସ ଭାବେ ଆମର ଭୂମିକା ହେଉଛି ସୁରକ୍ଷା ଯୋଗାଇବା ଏବଂ ଝଗଡାର ସମାଧାନ କରିବା । ଏହି ମେଣ୍ଢାକୁ ଧରାଯାଇ ବର୍ତ୍ତମାନ ଥାନାରେ ରଖାଯାଇଛି। ଅଧିକାରୀ କ

ଏହି ମେଣ୍ଢାର ମାଲିକ ଡୁଓନୟ ମାୟାଙ୍ଗ ବୋଲି ଜଣାପଡିଛି । ଏହି ବ୍ୟକ୍ତି ପରସ୍ପରର ପଡୋଶୀ ହୋଇଥିବା ବେଳେ ଦୁଇ ପରିବାର ପୋଲିସ ନିକଟରେ ଏକ ବୁଝାମଣା କରିଛନ୍ତି । ତଦନୁଯାୟୀ,  ଏହି ମେଣ୍ଢା ଜେଲରୁ ମୁକ୍ତ ହେବାପରେ ତା’କୁ ଉପହାର ରୂପେ ମୃତ ମହିଳାଙ୍କ ପରିବାରକୁ ଦିଆଯିବ ।