ଆଜି ପ୍ରତିଷ୍ଠା ଉତ୍ସବର ଶେଷ ଦିନ, ଅଖଣ୍ଡ ନାମଯଜ୍ଞ ସହ ପଡ଼ିବ ଘୃତଯଜ୍ଞର ପୂର୍ଣ୍ଣାହୂତି

ବ୍ରହ୍ମପୁର: ମାଆ ତାରାତାରିଣୀ ମନ୍ଦିରରେ ଚାଲିଛି ନବକଳେବର ଉତ୍ସବ । ମନ୍ତ୍ର ଧ୍ୱନିରେ କମ୍ପୁଛି ରତ୍ନଗିରି ପର୍ବତ । ଆଜି ପ୍ରତିଷ୍ଠା ଉତ୍ସବର ଶେଷ ଦିନ । ମନ୍ଦିରରେ ପୂଜା ସରିବା ସହ ଯଜ୍ଞର ପୂର୍ଣ୍ଣାହୂତି ହେବ । ବ୍ରାହ୍ମଣମାନଙ୍କର ଯଜ୍ଞବେଦୀ ପ୍ରବେଶ ସହ ସୂର୍ଯ୍ୟ ପୂଜାଠାରୁ ଆରମ୍ଭ କରି ଗୋ ପୂଜା, ମଣ୍ଡଳ ଦେବତା ପୂଜା ଓ ତ୍ରିଶୂଳ ଧ୍ୱଜ କରାଯିବ । ପାର୍ଶ୍ୱଦେବଦେବୀଙ୍କ ସ୍ଥାପନ ସହ ରତ୍ନ ସିଂହାସନ ବିଜେ, ମହାଧିଜଙ୍କ ଭ୍ରମଣ, ଅଖଣ୍ଡ ନାମଯଜ୍ଞ ଓ ଘୃତଯଜ୍ଞର ପୂର୍ଣ୍ଣାହୂତି କାର୍ଯ୍ୟକ୍ରମ ରହିଛି । ମନ୍ଦିର ପ୍ରତିଷ୍ଠା ଉତ୍ସବରେ ଶ୍ରଦ୍ଧାଳୁଙ୍କ ଭିଡ଼ ଜମିଛି । ଶହ ଶହ ଭକ୍ତ ମାଆ ତାରାତାରିଣୀଙ୍କୁ ଦର୍ଶନ କରି ଆଶିଷ ନେଉଛନ୍ତି ।