କଞ୍ଚା ଆମ୍ବରେ ପ୍ରସ୍ତୁତ କରନ୍ତୁ ଏମିତି ପ୍ୟାକ୍ ଯାହା ଆପଣଙ୍କୁ ଆଣିଦେବ ସୁନ୍ଦର ତ୍ୱଚା

ସ୍କିନ୍ କେୟାର ଟିପ୍ସ: ଖାର ଦିନ ଆସିବା ମାତ୍ରେ ବଜାରରେ ଆମ୍ବର ଚାହିଦା ମଧ୍ୟ ବଢିଯାଇଥାଏ । ଆଉ ଏହି ସମୟରେ ଲୋକମାନେ ଗରମରୁ ରକ୍ଷା ପାଇବା ଏବଂ ଖାଦ୍ୟକୁ ଆହୁରି ସୁସ୍ବାଦୁ କରିବା ପାଇଁ କଞ୍ଚା ଆମ୍ବର ବ୍ୟବାହାର କରନ୍ତି । କଞ୍ଚା ଆମ୍ବରୁ ଆମ୍ବ ପଣା ଏବଂ ଆମ୍ବ ଚଟନି ପରି ଅନେକ ଜିନିଷ ଖିଆଯାଇଥାଏ ।  କିନ୍ତୁ ଆପଣ ଜାଣନ୍ତି କି ତ୍ୱଚାରେ କଞ୍ଚା ଆମ୍ବ ବ୍ୟବହାର କରିବା ଅତ୍ୟନ୍ତ ଲାଭଦାୟକ ହୋଇଥାଏ ।

ଆସନ୍ତୁ ଆପଣଙ୍କୁ କହିବା ଯେ କଞ୍ଚା ଆମ୍ବକୁ ଭିଟାମିନ୍ ଏ, ଭିଟାମିନ୍ ସି ଏବଂ ଆଣ୍ଟି-ଅକ୍ସିଡେଣ୍ଟର ଏକ ଉତ୍ତମ ଉତ୍ସ ଭାବରେ ବିବେଚନା କରାଯାଏ । ଏପରି ପରିସ୍ଥିତିରେ, ତ୍ୱଚାରେ କଞ୍ଚା ଆମ୍ବ ବ୍ୟବହାର କରିବା କେବଳ ଗରମରୁ ମୁକ୍ତି ଦେଇନଥାଏ, ବରଂ ତ୍ୱଚା ସମ୍ବନ୍ଧୀୟ ଅନେକ ସମସ୍ୟାରୁ ମଧ୍ୟ ମୁକ୍ତି ଦେଇଥାଏ । ଆସନ୍ତୁ ଜାଣିବା ତ୍ୱଚାର ଯତ୍ନରେ କଞ୍ଚା ଆମ୍ବର ବ୍ୟବହାର ଏବଂ ଏହାର କିଛି ଆଶ୍ଚର୍ଯ୍ୟଜନକ ଉପକାର ବିଷୟରେ ।

ଖରାଦିନେ ସୂର୍ଯ୍ୟ, ଧୂଳି ଏବଂ ଝାଳ ଯୋଗୁଁ ଚର୍ମରେ ବ୍ରଣ, ଟ୍ୟାନ, ଏବଂ ଡଲନେସ ଭଳି ସମସ୍ୟା ଦେଖାଦେଇଥାଏ । ଏଭଳି ପରିସ୍ଥିତିରେ କଞ୍ଚା ଆମ୍ବରେ ଥିବା ଆଣ୍ଟି-ଅକ୍ସିଡାଣ୍ଟ ଏବଂ ଆଣ୍ଟି-ବ୍ୟାକ୍ଟେରିଆ ଗୁଣ ଏହି ସବୁ ସମସ୍ୟାରୁ ମୁକ୍ତି ପାଇବାରେ ସାହାଯ୍ୟ କରିଥାଏ । ଏଥି ସହିତ, ଭିଟାମିନ୍ ଏ ଏବଂ ଭିଟାମିନ୍ ସି ନଷ୍ଟ ହୋଇଥିବା ଚର୍ମ କୋଷଗୁଡ଼ିକୁ ବାହାର କରି ଚର୍ମର ଚମକକୁ ବଜାୟ ରଖିବାରେ ସାହାଯ୍ୟ କରିଥାଏ । ଚର୍ମରେ କଞ୍ଚା ଆମ୍ବ କିପରି ବ୍ୟବହାର କରାଯାଏ ଆସନ୍ତୁ ଜାଣିବା ।

ତ୍ୱଚାରେ ମୃତ କୋଷଗୁଡ଼ିକୁ ଦୂର କରି ତ୍ୱଚାକୁ ଗ୍ଲୋ କରିବାରେ ଏହି ଫେସ୍ ପ୍ୟାକ୍ ପ୍ରଭାବଶାଳୀ । ଏଥିପାଇଁ ଗୋଟିଏ କଞ୍ଚା ଆମ୍ବକୁ କାଟି ଏହାର ଏକ ପେଷ୍ଟ ପ୍ରସ୍ତୁତ କରନ୍ତୁ । ଏବେ ଏଥିରେ ୩ ଚାମଚ ଓଟମିଲ୍ ଏବଂ ୭ରୁ୮ ବାଦାମକୁ ଗ୍ରାଇଣ୍ଡ କରି ଏହାକୁ ମିଶାନ୍ତୁ । ତା’ପରେ ୨ ଚାମଚ କଞ୍ଚା କ୍ଷୀର ମିଶାଇ ଭଲ ଭାବରେ ମିଶାନ୍ତୁ । ବର୍ତ୍ତମାନ ଏହି ପେଷ୍ଟକୁ ମୁହଁ ଏବଂ ବେକରେ ଲଗାନ୍ତୁ, ତା’ପରେ ୧୫ ମିନିଟ୍ ପରେ ଏହାକୁ ସଫା ପାଣିରେ ଧୋଇ ଦିଅନ୍ତୁ । ସପ୍ତାହରେ ଦୁଇଥର ଏହି ଫେସ୍ ପ୍ୟାକ୍ ବ୍ୟବହାର କରିବା ଦ୍ୱାରା ଆପଣଙ୍କ ତ୍ୱଚା ନରମ ଏବଂ ସତେଜ ରହିବ ।

ଖରାଦିନେ ଟ୍ୟାନିଂ ଏବଂ ବ୍ରଣରୁ ମୁକ୍ତି ପାଇବା ପାଇଁ ଏହା ଏକ ଅତ୍ୟନ୍ତ ପ୍ରଭାବଶାଳୀ ଫେସ ପ୍ୟାକ ହେବ । ଏହାକୁ ପ୍ରସ୍ତୁତ କରିବା ପାଇଁ ୪ ଟି କଞ୍ଚା ଆମ୍ବ କାଟି ଗ୍ରାଇଣ୍ଡ୍ କରନ୍ତୁ ଏଥିରେ ୨ ଚାମଚ ବେଶନ, ୧ ଚାମଚ ମହୁ, ୧ ଚାମଚ ଦହି ଏବଂ ୧ ଚାମଚ ହଳଦୀ ପାଉଡର ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହି ପେଷ୍ଟକୁ ମୁହଁରେ ଲଗାନ୍ତୁ ଏବଂ ଶୁଖିବା ପରେ ଥଣ୍ଡା ପାଣିରେ ମୁହଁ ଧୋଇ ଦିଅନ୍ତୁ । ସପ୍ତାହରେ ଥରେ ଏହି ଫେସ୍ ପ୍ୟାକ୍ ବ୍ୟବହାର କରିବା ଦ୍ୱାରା ଆପଣଙ୍କ ତ୍ୱଚା ହାଇଡ୍ରେଟେଡ୍ ରହିବ ଏବଂ ତ୍ୱଚାର ଗ୍ଲୋନେସ ଭଲ ରହିବ ।