ପୁଣି ବିବାହ କରିବେ ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍ ଗେଟ୍ସ

ଓ୍ୱାଶିଂଟନ: ପୁଣି ବିବାହ କରିବେ ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍ ଗେଟ୍ସ । ଦୀର୍ଘ ୩୦ ବର୍ଷର ଦାମ୍ପତ୍ୟ ଜୀବନ ପରେ ବିଲ ଗେଟ୍ସ ତାଙ୍କ ସ୍ତ୍ରୀ ମେଲିଣ୍ଡା ଫ୍ରେଞ୍ଚଙ୍କ ସହ ବିବାହ ବିଚ୍ଛେଦ କରିଥିଲେ । ତେବେ ବିବାହ ବିଚ୍ଛେଦ ପରେ ପୁଣି ଥରେ ବିବାହ କରିବାକୁ ଇଚ୍ଛା ଜାହିର କରିଛନ୍ତି ପ୍ରତିଷ୍ଠିତ ଉଦ୍ୟୋଗପତି ବିଲ ଗେଟ୍ସ । ବିବାହ ବିଚ୍ଛେଦର ବର୍ଷେ ପରେ ପୂର୍ବତନ ପତ୍ନୀ ମେଲିଣ୍ଡାଙ୍କୁ ପୁଣି ଥରେ ବିବାହ କରିବାକୁ ଚାହୁଁଛନ୍ତି ବୋଲି ବିଲ୍ ଗେଟ୍ସ ନିକଟରେ ଦେଇଥିବା ଏକ ସାକ୍ଷାତକାରରେ କହିଛନ୍ତି । ୨୦୨୧ରେ ମେଲିଣ୍ଡା ଫ୍ରେଞ୍ଚ ଓ ବିଲ ଗେଟ୍ସଙ୍କ ୩୦ ବର୍ଷର ଦାମ୍ପତ୍ୟ ଜୀବନରେ ପୂର୍ଣ୍ଣଚ୍ଛେଦ ପଡ଼ିଥିଲା । ସେମାନଙ୍କର ତିନିଟି ସନ୍ତାନ ରହିଛନ୍ତି ।