ହଲିଉଡ ଉପରେ ଟାଇଗରଙ୍କ ନଜର, ଦେଇ ସାରିଲେଣି ଏକାଧିକ ଅଡିସନ୍‌

ନୂଆଦିଲ୍ଲୀ:  ବଲିଉଡ ଅଭିନେତା ଟାଇଗର ସ୍ରଫ୍‌ ତାଙ୍କ ଅପକମିଂ ଫିଲ୍ମ ହିରୋପନ୍ତୀ ଟୁ’ର ପ୍ରମୋଶନକୁ ନେଇ ଚର୍ଚ୍ଚାରେ ଅଛନ୍ତି ।  ଏହା ୨୦୧୪ରେ ଆସିଥିବା ରୋମାଂଟିକ ଆକ୍ସନ୍‌ ଫିଲ୍ମର ସିକ୍ୱେଲ । ଫିଲ୍ମରେ ନଓ୍ୱାଜୁଦ୍ଦିନ ସିଦ୍ଦିକୀ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ତେବେ ନିକଟରେ ହଲିଉଡ ଡେବ୍ୟୁକୁ ନେଇ ଖୁଲାସା କରିଛନ୍ତି ଟାଇଗର ।  ହଲିଉଡରେ ଏକ ସୁପରହିରୋ ଚରିତ୍ରରେ ଅଭିନୟ କରିବାକୁ ଚାହୁଁଥିବା କହିଛନ୍ତି ଟାଇଗର ସ୍ରଫ୍‌ ।

ଭବିଷ୍ୟତର ଲକ୍ଷ୍ୟ ହଲିଉଡରେ ପାଦ ରଖିବା ବୋଲି ଗରମାଧ୍ୟମ ସାକ୍ଷାତକାରରେ କହିଛନ୍ତି ଟାଇଗର ସ୍ରଫ୍‌ ।  ତେବେ ତାଙ୍କ ବୟସର କୌଣସି ଆକ୍ସନ ହିରୋ ହଲିଉଡରେ ନଥିବା ସେ କହିଛନ୍ତ  । କେତେକ ଅଫର ମିଳିଛି ଏବଂ ଅଡିସନ୍‌ ମଧ୍ୟ ଦେଇଛନ୍ତି ଟାଇଗର । ଚେଷ୍ଟା ଜାରି ରହିଛି ହଲିଉଡରେ ପାଦ ରଖିବାକୁ   ।

ସୂଚନାଯୋଗ୍ୟ ଫିଲ୍ମ ‘ହିରୋପନ୍ତୀ ଟୁ’ରେ ଟାଇଗରଙ୍କ ବିପକ୍ଷରେ ନଜର ଆସିବେ ତାରା ସୁତାରିଆ । ଦୁନିଆରୁ କିଭଳି ସାଇବର କ୍ରାଇମକୁ ଶେଷ କରାଯିବ, ତାହା ଉପରେ ଫିଲ୍ମ ଆଧାରିତ ।

ଫିଲ୍ମର ଲେଖକ ହେଉଛନ୍ତି ରଜତ ଅରୋରା ଏବଂ ନିର୍ଦ୍ଦେଶକ ଅହମ୍ମଦ ଖାନ୍‌ । ୨୯ ଏପ୍ରିଲରେ ଫିଲ୍ମ ଥିଏଟର୍ସରେ ରିଲିଜ୍‌ ହେବାକୁ ଯାଉଛି ।