ଆତଙ୍କବାଦୀ ହାଫିଜ୍ ସଇଦକୁ ୩୧ ବର୍ଷ ଜେଲ୍

ଇସଲାମାବାଦ: ଜମାତ ଉଦ୍ ଦାୱା ଆତଙ୍କବାଦୀ ସଂଗଠନର ମୁଖ୍ୟ ହାଫିଜ୍ ସଇଦକୁ ଜେଲ୍ । ଆଉ ୨ଟି ମାମଲାରେ ହାଫିଜକୁ ୩୧ ବର୍ଷ ଜେଲ୍ ଦଣ୍ଡାଦେଶ ହୋଇଛି । ଏନେଇ ପାକିସ୍ତାନ ମିଡିଆ ଦାବି କରିଛି । ଏହା ପୂର୍ବରୁ ହାଫିଜ୍ ସଇଦକୁ ଟେରର୍ ଫଣ୍ଡିଂ ମାମଲାରେ ୩୬ ବର୍ଷ ଜେଲ ଦଣ୍ଡାଦେଶ ହୋଇଥିଲା ।]ଉକ୍ତ ମାମଲାରେ ହାଫିଜ୍ କୋଟ ଲଖପତ ଜେଲରେ ସଜ୍ଜା କାଟୁଥିବା ଜଣାପଡ଼ିଛି ।

୨୦୦୮ ମୁମ୍ବାଇ ଆକ୍ରମଣ ଘଟଣାର ମାଷ୍ଟରମାଇଣ଼୍ଡ ଥିଲା ହାପିଜ୍ ସଇଦ  ।  ଲସ୍କର ଏ ତୋଏବା ରଚିଥିଲା  ନରସଂହାର । ଉକ୍ତ ଆକ୍ରମଣରେ ୬ ଜଣ ଆମେରିକୀୟ ନାଗରିକଙ୍କ ସମେତ ୧୬୬ ଲୋକଙ୍କ ମୃତ୍ୟୁ ହୋଇଥିଲା । ଜାତିସଂଘ ହାଫିଜ୍ ସଇଦକୁ ବୈଶ୍ୱିକ ଆତଙ୍କବାଦୀ ଘୋଷଣା କରିଥିଲା ।

ହାଫିଜକୁ ୨୦୧୯ ଜୁଲାଇ ୧୭ରେ ଆତଙ୍କବାଦୀକୁ ଟଙ୍କା ଯୋଗାଇବା ମାମଲାରେ ଗିରଫ କରାଯାଇଥିଲା । ଆତଙ୍କବାଦୀଙ୍କୁ ପାଣ୍ଠି ଯୋଗାଣ ସମ୍ପର୍କିତ ୨ଟି ମାମଲାରେ ୨୦୨୦ ଫେବ୍ରୁଆରୀରେ ଆତଙ୍କବାଦୀ ନିରୋଧୀ ଅଦାଲତ ୧୧ ବର୍ଷ ଜେଲ୍ ଦଣ୍ଡାଦେଶ ଦେଇଥିଲେ ।

ମୁମ୍ବାଇ ୨୬/୧୧ ଆକ୍ରମଣର ମୁଖ୍ୟ ଅଭିଯୁକ୍ତ ହାଫିଜକୁ ୨୦୨୦ ନଭେମ୍ବରରେ ଆତଙ୍କବାଦୀଙ୍କୁ ପାଣ୍ଠି ଯୋଗାଣ  ସମ୍ପର୍କିତ ୨ଟି ମାମଲାରେ ୧୦ ବର୍ଷ ଜେଲ୍ ଦଣ୍ଡାଦେଶ ହୋଇଥିଲା । ଏଥିସହ କୋର୍ଟ ସଇଦର ସମ୍ପତ୍ତି ଜବତ ସହ ୧.୧ ଲକ୍ଷ ଟଙ୍କା ଜରିମାନା ଦେଇଥିଲେ ।