ରାହୁଲ ଗାନ୍ଧୀଙ୍କ ନାଁ’ରେ ସବୁ ସମ୍ପତ୍ତି କରିଦେଲେ ମହିଳା, କହିଲେ..
ଡେରାଡୁନ୍: ଉତ୍ତରାଖଣ୍ଡର ଜଣେ ମହିଳା ତାଙ୍କର ସମଗ୍ର ସମ୍ପତ୍ତିକୁ କଂଗ୍ରେସ ନେତା ରାହୁଲ ଗାନ୍ଧୀଙ୍କ ନାଁ’ରେ କରି ଦେଇଛନ୍ତି । ସୂଚନା ଅନୁସାରେ ଏଥିରେ ୫୦ ଲକ୍ଷ ସମ୍ପତ୍ତି ସହିତ ୧୦ ତୋଳା ସୁନା ମଧ୍ୟ ରହିଛି ।
ସୂଚନାଯୋଗ୍ୟ ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ କଂଗ୍ରେସ ପାର୍ଟି ଶୋଚନୀୟ ପରାସ୍ତ କରିଛି । ଏହାପରେ ପାର୍ଟିରେ ବିଭିନ୍ନ ପ୍ରକାରର ସମସ୍ୟା ଜାରି ରହିଛି । ଏହି ମଧ୍ୟରେ ଜଣେ ମହିଳା ତାଙ୍କର ସସମ୍ତ ସମ୍ପତ୍ତି ରାହୁଲଙ୍କ ନାଁରେ କରିଦେବା ପାଇଁ ନିଷ୍ପତ୍ତି ନେଲେ । ତାଙ୍କ ମତରେ ରାହୁଲଙ୍କ ଉପସ୍ଥିତି ରାଜନୀତିରେ ଖୁବ୍ ଆବଶ୍ୟକତା ରହିଛି ।
ଡେରାଡୁନ୍ ସ୍ଥିତ ୭୮ ବର୍ଷୀୟ ମହିଳା ପୁଷ୍ପା ମୁଞ୍ଜିୟାଲ ତାଙ୍କର ସମସ୍ତ ସମ୍ପତ୍ତିର ମାଲିକ ରାହୁଲ ଗାନ୍ଧୀଙ୍କୁ କରି ଦେଇଛନ୍ତି । ତେବେ ରାହୁଲଙ୍କ ବିଚାର ତାଙ୍କୁ ଖୁବ୍ ପ୍ରଭାବିତ କରିଥିବା ସେ କହିଛନ୍ତି ।
ଏହି ମାମଲାରେ କଂଗ୍ରେସର ମହାନଗର ଅଧ୍ୟକ୍ଷ ଲାଲଚାନ୍ଦ ଶର୍ମା କହିଛନ୍ତିଯେ, ରାହୁଲଙ୍କ ନାଁରେ ସମସ୍ତ ସମ୍ପତ୍ତି କରିବା ପରେ ପୂର୍ବତନ ରାଜ୍ୟ ଅଧ୍ୟକ୍ଷ ପ୍ରୀତମ ସିଂଙ୍କୁ ସମସ୍ତ ଦସ୍ତାବିଜ ହସ୍ତାନ୍ତର କରିଛନ୍ତି । ତେବେ ମହିଳାଙ୍କ କହିବା ହେଉଛି ସ୍ୱାଧୀନତା ଦିନଠାରୁ ଆରମ୍ଭ କରି ଆଜି ପର୍ଯ୍ୟନ୍ତ ଜଳାଞ୍ଜଳି ଦେଇଛନ୍ତି । ସେମାନେ ଏହି ଦେଶର ଏକତା ପାଇଁ ଜୀବନ ହରାଇଛନ୍ତି ।
ତେବେ ଏହି ଖବର ସାମ୍ନାକୁ ଆସିବା ପରେ ଏହାକୁ ନେଇ ଖୁବ୍ ଚର୍ଚ୍ଚା ହେଉଛି ।
