ଭୁବନେଶ୍ବର: ପୁଣି ଥରେ ଚମକିଛନ୍ତି ଓଡିଆ ବଡିବିଲଡର। ମାର୍ଚ୍ଚ ୧୧, ୧୨ ଓ ୧୩ ତାରିଖରେ ସିକିମ ଗାଙ୍ଗଟକଠାରେ ଅନୁଷ୍ଠିତ ଫେଡେରେସନ କପ୍ ବଡି ବିଲ୍ଡିଂ ଚାମ୍ପିୟାନସିପରେ ଭୁବନେଶ୍ୱରର ୩ ଜଣ ବଡି ବିଲ୍ଡର ପଦକ ହାସଲ କରି ରେକର୍ଡ କରିଛନ୍ତି।
୮୫ କେଜି ବର୍ଗରେ ରଶ୍ମିରଞ୍ଜନ ସାହୁ ଗୋଲଡ ମେଡାଲ ହାସଲ କରିଛନ୍ତି । ଏହି କ୍ୟାଟେଗୋରୀରେ ୫ମ ଥର ପାଇଁ ସେ ଗୋଲଡ ହାତେଇଛନ୍ତି । ଜଗନ୍ନାଥ ଖୁଣ୍ଟିଆ 75 କେଜି କ୍ୟାଟେଗୋରୀରେ ଗୋଲଡ଼ ମେଡାଲ ଜିତିଥିବା ବେଳେ ଅମିତ କୁମାର ଭୂୟାଁ ଏହି କ୍ୟାଟେଗୋରୀରେ ବ୍ରୋଞ୍ଜ ଜିତିଛନ୍ତି।
କେବଳ ଏତିକି ନୁହେଁ ଏହି ପ୍ରତିଯୋଗିତାରେ ଓଡିଶା ଟିମ ଆକର୍ଷଣୀୟ ପ୍ରଦର୍ଶନ କରି ରନର୍ସପ ହୋଇଛି। ଓଡିଶାରୁ ଏହି ପ୍ରତିଯୋଗିତାରେ 16 ଜଣ ବଡି ବିଲ୍ଡର ଯାଇଥିବା ବେଳେ ଭୁବନେଶ୍ୱରରୁ 3 ଜଣ ମେଡାଲ ହାସଲ କରିଛନ୍ତି। ପଦକ ଜିତି ଫେରିବା ବେଳେ ଭୁବନେଶ୍ୱରରେ ସେମାନଙ୍କୁ ବିଭିନ୍ନ ମହଲରୁ ସ୍ୱାଗତ କରାଯାଇଛି ।
