ୟୁକ୍ରେନରୁ ଭାରତୀୟ ନାଗରିକଙ୍କୁ ଆଣିବା ପାଇଁ ଆରମ୍ଭ ହେଲା ମିଶନ, ୟୁକ୍ରେନ ଗଲା ପ୍ରଥମ ବିମାନ

ନୂଆଦିଲ୍ଲୀ: ଋଷ ଓ ୟୁକ୍ରେନ ମଧ୍ୟରେ ବିବାଦ ବଢ଼ିବାରେ ଲାଗିଛି । ଏହାରି ଭିତରେ ମଧ୍ୟରାତ୍ରୀରେ ପୁଟିନଙ୍କ ସମ୍ବୋଧନ ପରେ ଆହୁରି ବିଗିଡ଼ିଛି ସ୍ଥିତି । ଆମେରିକା ନେତୃତ୍ବାଧୀନ ନାଟୋକୁ ଜୋରଦାର ଚାଲେଞ୍ଜ କରିଛି ଋଷ୍‌ । ଯାହା ଫଳରେ ଚରମ ସୀମାରେ ପହଞ୍ଚିଛି ଋଷ-ୟୁକ୍ରେନ ବିବାଦ । ଦୁଇ ଦେଶ ମଧ୍ୟରେ ବଢ଼ୁଥିବା ବିବାଦକୁ ଦୃଷ୍ଟିରେ ରଖି ଭାରତ ୟୁକ୍ରେନରେ ରହିଥିବା ଭାରତୀୟ ନାଗରିକଙ୍କୁ ଆଣିବା ପାଇଁ ଅଭିଯାନ ଆରମ୍ଭ କରିଛି ।

Air India's special ferry flight left for Ukraine from India today morning to bring back the Indian nationals. The Dreamliner B-787 aircraft deployed for the special operation with a capacity of over 200 seats. The special flight from Ukraine will land in Delhi tonight.

— ANI (@ANI) February 22, 2022

ୟୁକ୍ରେନରେ ରହୁଥିବା ଭାରତୀୟଙ୍କୁ ଆଣିବା ପାଇଁ ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ବି-୭୮୭ ଆଜି ସକାଳୁ ୟୁକ୍ରେନ ଯାଇଛି । ମିଳିଥିବା ସୂଚନା ଅନୁସାରେ ଏୟାର ଇଣ୍ଡିଆର ଏହି ସ୍ୱତନ୍ତ୍ର ବିମାନ ରାତି ୧୦ରେ ୟୁକ୍ରେନରେ ଫସି ରହିଥିବା ଭାରତୀୟଙ୍କୁ ଆଣି ନୂଆଦିଲ୍ଲୀରେ ପହଞ୍ଚିବ । ଏହା ବ୍ୟତୀତ ଭାରତ ତରଫରୁ ଚଳିତ ମାସରେ ଆଉ ଦୁଇଟି ବିମାନ ୟୁକ୍ରେନରେ ଫସିଥିବା ଭାରତୀୟଙ୍କୁ ଆଣିବା ପାଇଁ ଯିବ । ଦ୍ୱିତୀୟ ବିମାନ ୨୪ ଫେବ୍ରୁଆରୀରେ ଓ ତୃତୀୟ ବିମାନ ୨୬ ଫେବ୍ରୁଆରୀରେ ୟୁକ୍ରେନ ଯିବ ।

Air India will operate 3 flights between India-Ukraine (Boryspil International Airport) on Feb 22, Feb 24 & Feb 26, 2022. Booking is open through Air India booking offices, website, call centre & authorised travel agents: Air India pic.twitter.com/5XAFfspdvj

— ANI (@ANI) February 18, 2022

ଗୋଟିଏ ପଟେ ଭାରତ ୟୁକ୍ରେନରେ ଫସିଥିବା ଭାରତୀୟ ନାଗରିକଙ୍କୁ ଆଣିବା ପାଇଁ ଅଭିଯାନ ଆରମ୍ଭ କରିଥିବାବେଳେ ସେପଟେ ଋଷ ୟୁକ୍ରେନର ଦୁଇଟି ସହରକୁ ସ୍ୱତନ୍ତ୍ର ପ୍ରଦେଶ ଘୋଷଣା କରିଛନ୍ତି ପୁଟିନ୍ । ସ୍ୱତନ୍ତ୍ର ପ୍ରଦେଶ ଘୋଷଣା କରିବା ସହ ୟୁକ୍ରେନକୁ ସେନା ପଠାଇବାକୁ ମଧ୍ୟ ଆଦେଶ ଦେଇଛନ୍ତି ପୁଟିନ୍ ।