‘ପୃଥିବୀ ବି ଜ୍ଞାନୀ, ବୁଝି ବିଚାରି କରେ କାମ’

ନୂଆଦିଲ୍ଲୀ: ପୃଥିବୀ ଏକ ଗ୍ରହ । ଆମେ ଏକଥା ପିଲା ଦିନୁ ଜାଣିଛେ । ଆଉ ଖାଲି ପୃଥିବୀ କାହିଁକି ସୌର ଜଗତରେ ଥିବା ସମସ୍ତ ଗ୍ରହ ଓ ଉପଗ୍ରହ ନିର୍ଜୀବ ବୋଲି ବି ପଢ଼ିଛେ । ହେଲେ ଏହି ଭାବନା ଓ ଧାରଣା ଏବେ ଭୁଲ୍ ପ୍ରମାଣିତ ହେବାକୁ ଯାଉଛି । କାରଣ ପୃଥିବୀର ନିଜ ବୁଦ୍ଧି ରହିଛି । ପୃଥିବୀ ନିଜ ଇଚ୍ଛା ଅନୁସାରେ କାମ କରେ । ପୃଥିବୀ ଏକ ବୁଦ୍ଧିଆ ଗ୍ରହ । ଇଣ୍ଟରନ୍ୟାସନାଲ୍ ଜର୍ଣ୍ଣାଲ୍ ଅଫ୍ ଆଷ୍ଟ୍ରୋବାୟୋଲଜିରେ ପ୍ରକାଶିତ ହୋଇଛି ଏହି ଅଧ୍ୟୟନ ରିପୋର୍ଟ ।

ରିପୋର୍ଟ ଅନୁସାରେ, ପୃଥିବୀର ନିଜସ୍ୱ ବୁଦ୍ଧି ଥିବା ବେଳେ ବୁଝି ବିଚାରି କାମ କରେ । ଯାହା ପ୍ରମାଣ କରିବାକୁ ଯାଇ ବୈଜ୍ଞାନିକ କୁହନ୍ତି, ମାଟି ତଳେ ଫଙ୍ଗସର ଏକ ବିଶାଳକାୟ ସ୍ତର ରହିଛି । ଯାହାକି ପୃଥିବୀ ସାରା ପରିବ୍ୟାପ୍ତ । ଆଉ ଏମାନେ ପରସ୍ପର ମଧ୍ୟରେ ଆଦାନ ପ୍ରଦାନ କରିଥାନ୍ତି । ଏମାନଙ୍କର ଏକ ବଡ଼ ନେଟୱର୍କ ଥିବାବେଳେ ଅଦୃଶ୍ୟ ବୁଦ୍ଧିମତା ପ୍ରଦର୍ଶନ କରିଥାନ୍ତି ।

ଯେଉଁଥିପାଇଁ ପୂରା ପୃଥିବୀର ସ୍ଥିତି ବଦଳି ଥାଏ । ଯଦି ଏଭଳି ପ୍ରକ୍ରିୟାକୁ ଗଭୀରତାର ସହ ଅଧ୍ୟୟନ କଲେ ଆମକୁ ଜଳବାୟୁ ପରିବର୍ତ୍ତନ, ବିଶ୍ୱ ତାପନ ଭଳି ଧରିତ୍ରୀରେ ହେଉଥିବା ପ୍ରତିକ୍ରିୟା ଦେଖିବାକୁ ମିଳୁଛି । ପୃଥିବୀ ପୃଷ୍ଠରେ ଫଙ୍ଗସଙ୍କ ଠାରୁ ନେଇ ମଣିଷ ଭଳି ଜଟିଳ ଜୀବ ବାସ କରୁଛନ୍ତି । ପରିବେଶ ପ୍ରଦୂଷଣରୁ ନେଇ ପ୍ଲାଷ୍ଟିକ ସଂକଟ ଯାଏ ମଣିଷଙ୍କ ସବୁ କାର୍ଯ୍ୟର ନିରବ ସାକ୍ଷୀ ହେଉଛି ପୃଥିବୀ ।

ପୃଥିବୀ ନିୟମିତ ଭାବେ କୌଣସି ନା କୌଣସି ପ୍ରକାରେ ସନ୍ତୁଳନ ରକ୍ଷା ପାଇଁ ଏକ ପ୍ରକ୍ରିୟାକୁ ଜନ୍ମ ଦେଇଥାଏ । ଯେମିତିକି ଗଛ-ଉଦ୍ଭିଦ ଏକ ସମୁଦାୟ ଭାବେ ନିଜକୁ ଜୀବିତ ରଖିବା ପାଇଁ ବିଶ୍ୱସ୍ତରରେ ଏକ ପ୍ରକ୍ରିୟା କରନ୍ତି । ଯାହାକୁ ଫଟୋସିନ୍ଥେସିସ୍ କୁହାଯାଏ । ଆଉ ଧରିତ୍ରୀରେ ହେଉଥିବା ପ୍ରକ୍ରିୟାରୁ ମିଳେ ଅମ୍ଲଜାନ । ଆଉ ସେହି ଅମ୍ଲଜାନ ଧରିତ୍ରୀର ପୂରା ପ୍ରକ୍ରିୟାକୁ ହିଁ ବଦଳାଇ ଦେଇଛି । ଯଦିଓ ଗଛ-ଉଦ୍ଭିଦ ନିଜ ପାଇଁ କାମ କରନ୍ତି ତଥାପି ସେମାନେ ପୃଥିବୀ ବୁଦ୍ଧିମତାର ଏକ ଅଂଶ ।

ପୃଥିବୀରେ ଥିବା ଜୀବନକୁ ସାମୁହିକ ସ୍ତରରେ ବାଓସ୍ଫିୟର କୁହନ୍ତି । ବାୟୋସ୍ଫିୟରର ଜନ୍ମ ଫଳରେ ଧରିତ୍ରୀକୁ ଏକ ନୂଆ ଜୀବନ ମିଳିଛି । ପୃଥିବୀ ନିଜ ବାବଦରେ ଚିନ୍ତା କରିବା ସହ ସନ୍ତୁଳନ ରକ୍ଷା କରୁଛି । ଧରିତ୍ରୀର ଗୋଟିଏ ପାର୍ଶ୍ୱରେ କିଛି ଗଡ଼ବଡ଼ ହେଲେ ଅନ୍ୟ ପାର୍ଶ୍ୱରେ କିଛି କରି ସନ୍ତୁଳନ ରକ୍ଷା କରୁଛି ପୃଥିବୀ ।

କୋଟି କୋଟି ବର୍ଷ ତଳେ ପୃଥିବୀରେ ଜୀବନ କି କୌଣସି ଟେକ୍ନୋଲୋଜି ନଥିଲା । ସୂକ୍ଷ୍ମଜୀବ ଅର୍ଥାତ୍ ମାଇକ୍ରୋବ୍ସ ଥିଲେ କିନ୍ତୁ ଗଛ-ଲତା ନଥିଲା । ସେତେବେଳେ ପୃଥିବୀରେ ଏମିତି କୌଣସି ଜୀବନ ନଥିଲା ଯାହା ବାୟୁ ମଣ୍ଡଳ, ଜଳ ମଣ୍ଡଳ କିମ୍ବ ଅନ୍ୟ ଗ୍ରହ ଉପରେ ପ୍ରଭାବ ପକାଇ ପାରିବ । ସେତେବେଳର ସମୟକୁ ଅପରିପକ୍ୱ ଜୀବମଣ୍ଡଳ କୁହା ଯାଉଥିଲା ।

ଆଉ ଆଜି ଆମେ ବଞ୍ଚୁଥିବା ସମାଜ ହେଉଛି ପୃଥିବୀର ଅସଲ ଚେହେରା । ଆଜିର ପୃଥିବୀରେ ଜୈବିକ ଓ ଟେକ୍ନୋଲୋଜି ମହଯୁଦ୍ ରହିଛି । ଯାହାର ଆରମ୍ଭ ୨୫୦ କୋଟି ବର୍ଷରୁ ନେଇ ୫୪ କୋଟି ବର୍ଷ ପୂର୍ବେ ହୋଇଥିଲା । ଧରିତ୍ରୀର ଅପରିପକ୍ୱ ଜୀବ ମଣ୍ଡଳ ଭଳି ଆମେ ଟେକ୍ନୋଲୋଜିର ଅପରିପକ୍ୱ କାଳରେ ରହିଛେ । ଅର୍ଥାତ୍ ପୃଥିବୀ ପୃଷ୍ଠରେ ଯୋଗାଯୋଗ, ଯାତାୟତ, ଟେକ୍ନୋଲୋଜି, ବିଦ୍ୟୁତ୍, କମ୍ପ୍ୟୁଟର୍ସ ରହିଛି । ତଥାପି ଏହା ଅପରିପକ୍ୱ । କାରଣ ଏମାନେ କୌଣସି ନା କୌଣସି ପ୍ରକାରେ ପୃଥିବୀ ଠାରୁ ଶକ୍ତି ନେଉଥିବା ବେଳେ ଧରିତ୍ରୀର କୌଣସି ଉପକାର କରୁନାହାନ୍ତି । ବରଂ ପୃଥିବୀକୁ କ୍ଷତି ପହଞ୍ଚାଉଛନ୍ତି । ଯଦି ଏସବୁ ପୃଥିବୀ ପାଇଁ ଲାଭ ଦାୟକ ହେବେ ନାହିଁ ତ ଭବିଷ୍ୟତରେ ନିଜେ ନିଜର କ୍ଷତି କରିବେ ।

ବୈଜ୍ଞାନିକଙ୍କ ଅନୁସାରେ, ସମସ୍ତ ଜଟିଳ ପ୍ରକ୍ରିୟା ଏକାଠି ହେଲେ ପୃଥିବୀ ଆହୁରି ସ୍ମାର୍ଟ ହୋଇଯିବ । ଏହାଦ୍ୱାରା ଆଗାମୀ ଦିନରେ ପୃଥିବୀକୁ ହେବାକୁ ଥିବା କ୍ଷତି ଦ୍ୱାରା ସମସ୍ତ କ୍ଷତିରେ ପଡ଼ିବେ । ସେତେବେଳେ ଧରିତ୍ରୀ ହିସାବରେ କାମ କରିବେ । ସେତେବେଳେ ବାୟୋସ୍ଫିୟର ଓ ଟେକ୍ନୋସ୍ଫିୟର ମିଳିତ ଭାବେ ପୃଥିବୀର ଭଲ ପାଇଁ କାମ କରିବେ ।