ଭୋକ ପାଇଁ ଦାନ, ଏଲନ୍ ମସ୍କ୍ ଦେଲେ ୪୫ ହଜାର କୋଟି ଟଙ୍କା !
Elon Musk, chief executive officer of Tesla Inc., departs from court for the SolarCity trial in Wilmington, Delaware, U.S., on Monday, July 12, 2021. Musk was cool but combative as he testified in a Delaware courtroom that Tesla Inc.'s more than $2 billion acquisition of SolarCity in 2016 wasn't a bailout of the struggling solar provider. Photographer: Al Drago/Bloomberg via Getty Images
୪୫ ହଜାର କୋଟି ଟଙ୍କା କଥା ଏଇଥିପାଇଁ ଉଠିଛି ଯେ, ଜଣେ ବ୍ୟକ୍ତି ଏତିକି ଟଙ୍କା ଦାନ କରିଛନ୍ତି । ଦୁନିଆରୁ ଭୋକ କମ କରିବା ପାଇଁ ସେ ଏହା ଦାନ କରିଛନ୍ତି । ଅବଶ୍ୟ କହିବା ଲୋକ କହୁଛନ୍ତି ଟ୍ୟାକ୍ସ ଫାଙ୍କିବା ପାଇଁ ସେ ଏମିତି କରିଛନ୍ତି । କିନ୍ତୁ ସତ ହେଲା ଟ୍ୟାକ୍ସ ବଂଚାଇବା ପାଇଁ ହେଉ କି ଭଲ ମନରେ ହେଉ,ସେ ୪୫ ହଜାର କୋଟି ଟଙ୍କା ଦାନ କରିଛନ୍ତି । ଏବେ ଆପଣ ଭାବୁଥିବେ କଳିଯୁଗର ସେହି କର୍ଣ୍ଣ କିଏ ? ୪୫ ହଜାର କୋଟି ଦାନ କରିଥିବା କର୍ଣ୍ଣ କିନ୍ତୁ ଭାରତରେ ରୁହନ୍ତି ନାହିଁ । ସେ ଭାରତ ଠାରୁ 13 ହଜାର ୧୪୨ କିଲୋମିଟର ଦୂର ଆମେରିକାରେ ରୁହନ୍ତି ଆମ ସମୟର ଦାନବୀର । ନାଁ ହେଉଛି ଏଲନ୍ ମସ୍କ୍ ।
ଏଲନ୍ ମସ୍କ । ନାଁ ତ’ ନିଶ୍ଚୟ ଶୁଣିଥିବେ । ଦୁନିଆର ସବୁଠାରୁ ଧନୀ । ଦୁନିଆକୁ ଇନ୍ଧନର ନୂଆ ରୂପ ଦେବାକୁ ଟେସଲା ତିଆରି କରିଥିବା ବ୍ୟକ୍ତି । ଭବିଷ୍ୟତରେ ମହାକାଶରେ ମାନବ ବସତି ତିଆରିର ସ୍ୱପ୍ନ ଦେଖୁଥିବା ଏଲନ୍ ମସ୍କଙ୍କୁ ଲୋକଙ୍କ ଭୋକ ଦରଦି କରିଛି । ଆଉ ଭୋକ ଦୂର କରିବା ପାଇଁ ସେ ଦାନ କରିଛନ୍ତି ୪୫ ହଜାର କୋଟି ଟଙ୍କା ।
ନଗଦ ନୁହେଁ ସେୟାର । ତେବେ ମସ୍କ ନଗଦ ଆକାରରେ ଏହି ଟଙ୍କା ଦାନ କରି ନାହାନ୍ତି । ସେ ଟେସଲା କମ୍ପାନୀର ସେୟାରକୁ ଦାନ କରିଛନ୍ତି । ଏହି ସେୟାର ବିକ୍ରିରୁ ଆଜିର ସମୟରେ ଯଦି ବିକ୍ରି କରାଯାଏ ତେବେ ମିଳିବ ୫.୭ ବିଲିୟନ ଡଲାର ବା ୪୫ ହଜାର କୋଟି ଟଙ୍କା ।
ମସ୍କ ଗତବର୍ଷ ନଭେମ୍ବର ମାସରେ ଗୋଟିଏ ପୋଲ୍ କରିଥିଲେ । ଟ୍ୱିଟରରେ ସେ ପଚାରିଥିଲେ ଯେ, ୧୦ ପ୍ରତିଶତ ଟେସଲା ସେୟାର ବିକ୍ରି କରିବା ଠିକ୍ ହେବ କି ? ଅଧିକାଂଶ କହିଲେ ବିକ୍ରି କରନ୍ତୁ । ଏହା ପରେ ମସ୍କ ନିଜର ୫୦ ଲକ୍ଷ ସେୟାର ଦାନ କରିଛନ୍ତି । ମସ୍କ୍ ଭୋକ ଦୂର କରିବା ପାଇଁ ଏହି ସେୟାର ଦାନ କରିଛନ୍ତି । କିନ୍ତୁ ସମାଲୋଚକଙ୍କ କହିବା କଥା ହେଉଛି ଆମେରିକା ସଂସଦ ଧନିକଙ୍କ ଉପରେ ଅଧିକ ଟ୍ୟାକ୍ସ ଲଗାଇବାକୁ ଯାଉଛି । ତେଣୁ ଆଗୁଆ ମସ୍କ ସେୟାର ଦାନ କରି ଟ୍ୟାକ୍ସ ବଂଚାଇଛନ୍ତି । ଏଭଳି ସମାଲୋଚନା ପଛରେ ମଧ୍ୟ କାରଣ ରହିଛି । ଗତବର୍ଷ ଟ୍ୟାକ୍ସକୁ ନେଇ ସାଂସଦ ବର୍ଣ୍ଣି ସ୍ୟାଣ୍ଡର୍ସ ଓ ମସ୍କଙ୍କ ମଧ୍ୟରେ ଟ୍ୱିଟର ଯୁଦ୍ଧ ହୋଇଥିଲା । ବର୍ଣ୍ଣି ଆମେରିକାର ଧନୀଙ୍କ ଉପରେ ଅଧିକ ଟ୍ୟାକ୍ସ ଲଗାଇବାର ପକ୍ଷଧର ଅଛନ୍ତି । ବର୍ଣ୍ଣିଙ୍କୁ କଟାକ୍ଷ କରିବାକୁ ଯାଇ ମସ୍କ ତାଙ୍କ ବୟସକୁ ଟାର୍ଗେଟ୍ କରିଥିଲେ । କହିଥିଲେ ‘ବର୍ଣ୍ଣି ଆପଣ ବଂଚିଛନ୍ତି ବୋଲି ମୁଁ ଭୁଲି ଯାଇଛି’’ । ଏହାପରେ ସେ ବର୍ଣ୍ଣିଙ୍କୁ ପଚାରିଥିଲେ ମୋତେ କୁହନ୍ତୁ ଯେ ମୁଁ ମୋ ସେୟାର ବିକ୍ରି କରିବି କି ?
ଦୁଇ ଜଣଙ୍କ ମଧ୍ୟରେ ଏଭଳି ବାକ୍ୟଯୁଦ୍ଧ ଚାଲିଥିବା ବେଳେ ଜାତିସଂଘ ବିଶ୍ୱ ଖାଦ୍ୟ କାର୍ଯ୍ୟକ୍ରମର କାର୍ଯ୍ୟକାରୀ ନିର୍ଦ୍ଦେଶଖ ଡେଭିଡ୍ ବେସ୍ଲିଙ୍କ ଏଣ୍ଟ୍ରି ହୋଇଥିଲା । ବେସ୍ଲି କହିଥିଲେ ଯେ, ଆଗାମୀ ଦିନରେ ବିଶ୍ୱର ୪୫ ମିଲିୟନରୁ ଅଧିକ ଲୋକ ଭୋକରେ ମରିବେ । ମସ୍କଙ୍କ ଭଳି ଧନି ହିଁ ଏହି ଲୋକଙ୍କୁ ବଂଚାଇ ପାରିବେ । ସେ କହିଥିଲେ ଯେ, ମସ୍କ ଯଦି ନିଜ ସମ୍ପତିରୁ ୬ ବିଲିୟନ ଡଲାର ଦାନ କରନ୍ତି ତେବେ ଏହି ୪୫ ମିଲିୟନ ବ୍ୟକ୍ତି ବଂଚିଯିବେ । ଏହାପରେ ମସ୍କ,ବେସ୍ଲିଙ୍କୁ ପଚାରିଥିଲେ ମୋତେ କୁହନ୍ତୁ ଆପଣଙ୍କ ପ୍ଲାନ୍ କ’ଣ ? ଆପଣ ଯଦି ମୋତେ ବୁଝାଇ ପାରିବେ ଯେ କେମିତି ଦୁନିଆରୁ ଭୋକ ଦୁର ହୋଇପାରିବ ,ତେବେ ମୁଁ ଦାନ କରିବାକୁ ପ୍ରସ୍ତୁତ ହୋଇଛି ।
ଏହାପରେ ବେସ୍ଲି ତାଙ୍କୁ ଉତ୍ତର ଦେଇଥିଲେ । ଲାଗୁଛି ବେସ୍ଲିଙ୍କ ଉତ୍ତରରେ ସନ୍ତୁଷ୍ଟ ହୋଇ ମସ୍କ ପୁରା ୬ ବିଲିୟନ ନହେଲେ ମଧ୍ୟ ୫.୭ ବିଲିୟନ ଡଲାର ଦାନ କରିଛନ୍ତି ।
