IPL 2022: ବେସ୍ ପ୍ରାଇସରେ ଓଡ଼ିଆ ପୁଅ ଶୁଭ୍ରାଂଶୁଙ୍କୁ କିଣିଲା ଚେନ୍ନାଇ

ବେଙ୍ଗଳୁରୁ: ଆଇପିଏଲ୍ ଖେଳିବେ ଓଡ଼ିଆ ପୁଅ । ବେଙ୍ଗଳୁରୁରେ ଚାଲିଥିବା ଆଇପିଏଲ୍ ନିଲାମିର ଦ୍ୱିତୀୟ ଦିନରେ ଓଡ଼ିଆ ପୁଅ ଶୁଭ୍ରାଂଶୁଙ୍କୁ କିଣିଛି ଚେନ୍ନାଇ । ଶୁଭ୍ରାଂଶୁଙ୍କୁ ତାଙ୍କ ବେସ୍ ପ୍ରାଇସ୍ ୨୦ ଲକ୍ଷ ଟଙ୍କାରେ କିଣିଛି ଚେନ୍ନାଇ ସୁପର୍ କିଙ୍ଗ୍ସ । ସିଏସକେର ଅଧିନାୟକ ଧୋନିଙ୍କ ଟିମରେ ଆଇପିଏଲ୍ ଖେଳିବେ ଶୁଭ୍ରାଂଶୁ ।

Subhranshu Senapati is SOLD to @ChennaiIPL for INR 20 Lakh #TATAIPLAuction @TataCompanies

— IndianPremierLeague (@IPL) February 13, 2022

ଶୁଭ୍ରାଂଶୁ ଏବେ ଓଡ଼ିଶା ରଣଜୀ ଟିମର ଅଧିନାୟକ ଅଛନ୍ତି । ବିଜୟ ହଜାରେ ଟ୍ରଫି ଏବଂ ସୟଦ ମୁସ୍ତାକ ଅଲି ଟ୍ରଫିରେ ଶୁଭାଂଶୁଙ୍କ ଭଲ ପ୍ରଦର୍ଶନ ପରେ ଚେନ୍ନାଇ ଟିମ୍ ଟ୍ରାଏଲ୍ ପାଇଁ ଡାକିଥିଲା । ଆଇପିଏଲ୍ ୨୦୦୮ ସଂସ୍କରଣରେ ପ୍ରଥମ ଓଡ଼ିଆ ଖେଳାଳି ଭାବେ ହଳଧର ଦାସଙ୍କୁ କିଣିଥିଲା ଡେକ୍କାନ ଚାର୍ଜର୍ସ । ତାପରେ ବିପ୍ଲବ ସାମନ୍ତରାୟ ଡେକ୍କାନ ଚାର୍ଜର୍ସରେ ସାମିଲ୍ ହୋଇଥିଲେ ।