ପରିବାରରେ ଝିଆରୀଙ୍କ ସହିତ ଅଧିକ ନିକଟତର ଥିଲେ ଲତା ମଙ୍ଗେସକର, ଜାଣନ୍ତୁ କିଏ ରାଧା ମଙ୍ଗେସକର

ନୂଆଦିଲ୍ଲୀ: କିମ୍ବଦନ୍ତୀ ଗାୟିକା ଲତା ମଙ୍ଗେଶକରଙ୍କ ମୃତ୍ୟୁ ପରେ ସାରା ଦେଶରେ ଶୋକର ଲହରୀ ଖେଳିଯାଇଛି । ଲତା ମଙ୍ଗେଶକର ୧୩ ବର୍ଷ ବୟସରୁ ଜୀବନର ଶେଷ ପର୍ଯ୍ୟନ୍ତ ତାଙ୍କ ପରିବାରର ଯତ୍ନ ନେଇଛନ୍ତି । ପିଲାଦିନେ ବାପାଙ୍କୁ ହରାଇବା ପରେ ଲତା ମଙ୍ଗେଶକର ତାଙ୍କ ପରିବାରର ଯତ୍ନ ନେଇଥିଲେ । ସେ ତାଙ୍କ ଭାଇ ଓ ଭଉଣୀମାନଙ୍କୁ ସମର୍ଥନ କରିଥିଲେ ଏବଂ ସବୁ ପରିସ୍ଥିତିରେ ତାଙ୍କ ସହିତ ଛିଡା ହୋଇଥିଲେ । କିନ୍ତୁ ଆପଣ ଜାଣିଛନ୍ତି କି ଲତା ଦିଦି ପରିବାରରେ କାହା ସହିତ ଅଧିକ ନିକଟତର ଥିଲେ…

କୁହାଯାଏ ଯେ ଲତା ମଙ୍ଗେଶକର ତାଙ୍କ ଝିଆରୀ ରାଧା ମଙ୍ଗେଶକରଙ୍କ ଖୁବ ନିକଟତର ଥିଲେ । ୨୦୦୯ ମସିହାରେ, ଲତା ମଙ୍ଗେଶକର ଝିଆରୀ ରାଧା ମଙ୍ଗେଶକରଙ୍କ ସିଙ୍ଗଲ ଆଲବମ୍ ନାଭ ମାଝେ ଶାମି ମଧ୍ୟ ଲଞ୍ଚ କରିଥିଲେ । ତେବେ ଆସନ୍ତୁ ଜାଣିବା କିଏ ଏହି ରାଧା ମଙ୍ଗେଶକର ? ସେ ମଙ୍ଗେସକର ପରିବାରର ତୃତୀୟ ପିଢ଼ୀର ସଦସ୍ୟ । ସେ ଲତାଙ୍କ ସାନ ଭାଇ ହୃଦୟନାଥ ମଙ୍ଗେସକରଙ୍କ ଝିଅ ଅଟନ୍ତି । ରାଧା ମଙ୍ଗେସକର ମଧ୍ୟ ପେଶାରେ ଜଣେ ଗାୟିକା । ତାଙ୍କ ବୟସ ୪୦ ବର୍ଷ ଏବଂ ସେ ଭାରତରେ ସଂଗୀତ ସମ୍ବେଦନଶୀଳତାକୁ ବ୍ୟାଖ୍ୟା କରିଛନ୍ତି ।

ରାଧା ମଙ୍ଗେଶକରଙ୍କ ୱେବସାଇଟ୍ ଅନୁଯାୟୀ ସେ ଜଣେ Stage Performer ଅଟନ୍ତି ।  ସେ ତାଙ୍କ ପିତା ହୃଦୟନାଥ ମଙ୍ଗେଶକରଙ୍କ ଠାରୁ ସଂଗୀତ ଶିକ୍ଷା ପାଇଛନ୍ତି । ନିଜ ପିଇସୀଙ୍କ ଭଳି ରାଧା ମଙ୍ଗେଶକର ମଧ୍ୟ ସର୍ବଦା ସଙ୍ଗୀତ ଶିଖିବା ଏବଂ ଆଗକୁ ବଢ଼ିବା ପାଇଁ ଆଗ୍ରହୀ ଥିଲେ । ରାଧା ୭ବର୍ଷ ବୟସରେ ତାଙ୍କର ସଂଗୀତ ଯାତ୍ରା ଆରମ୍ଭ କରିଥିଲେ । ଏହା ପରେ ସେ ତାଙ୍କ ବାପା ହୃଦୟନାଥଙ୍କ ସହ ମଞ୍ଚରେ ସଙ୍ଗୀତ ପରିବେଷଣ କରିବା ଆରମ୍ଭ କରିଥିଲେ । ରାଧା, ନିଜ ବାପାଙ୍କ କନସର୍ଟ ଭାବ ସରଗମରେ ଗୀତ ଗାଉଥିଲେ।

ରାଧା ମଙ୍ଗେଶକର ନିଜ ବାପାଙ୍କ ଶିକ୍ଷା ଏବଂ ମାର୍ଗଦର୍ଶନ ସହିତ ଏକକ ମଞ୍ଚ କଳାକାର ଭାବରେ ଉଭା ହୋଇଥିଲେ । ସେ ମହାରାଷ୍ଟ୍ରରୁ ଆରମ୍ଭ କରି ଦେଶ, ବିଦେଶ ବୁଲି ନିଜ କନ୍ସର୍ଟ କରିଛନ୍ତି ।

ରାଧା ମଙ୍ଗେଶକର ମରାଠୀ, ହିନ୍ଦୀ ଏବଂ ବଙ୍ଗାଳୀ ଭାଷାରେ ଗୀତ ଗାଇଛନ୍ତି । ସେ ଅନେକ ଆଲବମ୍ ମଧ୍ୟ ରିଲିଜ୍ କରିଛନ୍ତି, ଯାହା ଦର୍ଶକଙ୍କ ମନ କିଣିଛି । ରାଧା ମଙ୍ଗେଶକର ହିନ୍ଦୁସ୍ତାନୀ ଶାସ୍ତ୍ରୀୟ ସଙ୍ଗୀତର ଜଣେ ବିଶେଷଜ୍ଞ ଏବଂ ଏଥିରୁ ସେ ନିଜର ଭିନ୍ନ ଏକ ଶୈଳୀ ସୃଷ୍ଟି କରିଛନ୍ତି । ଅଧ୍ୟୟନ ବିଷୟରେ କହିବାକୁ ଗଲେ ରାଧା ମଙ୍ଗେଶକର ହିନ୍ଦୀ ଏବଂ ଦର୍ଶନ ଶାସ୍ତ୍ରରେ ସ୍ନାତକ ହାସଲ କରିଛନ୍ତି । ସେ ଦାର୍ଶନିକଶାସ୍ତ୍ରରେ ମଧ୍ୟ MA କରିଛନ୍ତି ।