ବନ୍ଧୁକ ମୁନରେ ବ୍ୟବସାୟୀଙ୍କ ପୁଅଙ୍କୁ ଅପହରଣ, ଉଦ୍ଧାର କଲା ସ୍ପେଶାଲ ସ୍କାଡ ଓ ଲକ୍ଷ୍ମୀସାଗର ପୋଲିସ

ଭୁବନେଶ୍ୱର: ରାଜଧାନୀରେ ବ୍ୟବସାୟୀ ରାମରୂପ ଅଗ୍ରଓ୍ୱାଲଙ୍କ ପୁଅ ଇଶାନ ଅଗ୍ରଓ୍ୱାଲଙ୍କୁ ଅପହରଣ ଅଭିଯୋଗ । ୪ ଜଣ କିଡନାପରଙ୍କୁ ଗିରଫ କଲା ସ୍ପେଶାଲ ସ୍କ୍ୱାଡ ଓ ଲକ୍ଷ୍ମୀସାଗର ଥାନା ପୋଲିସ । ଗତକାଲି ଲକ୍ଷ୍ମୀସାଗର ଅଞ୍ଚଳରେ ଚା’ ଦୋକାନରେ ଠିଆ ହୋଇଥିବା ବେଳେ ୪ ଜଣ ଦୁର୍ବୃତ୍ତ ବନ୍ଧୁକ ଦେଖାଇ ବିବିଏ ଛାତ୍ରଙ୍କୁ ଅପହରଣ କରିନେଇଥିଲେ । ପରିବାର ପକ୍ଷରୁ ଏନେଇ ଥାନାରେ ଏତଲା ପରେ ସଙ୍ଗେ ସଙ୍ଗେ ସକ୍ରିୟ ହୋଇଥିଲା ସ୍ପେଶାଲ ସ୍କ୍ୱାଡ ଓ ପୋଲିସ ।

୩୦ଲକ୍ଷ ଟଙ୍କା ଦେଲ ପୁଅକୁ ନେବ ବୋଲି ଦୁର୍ବୃତ୍ତ ସର୍ତ୍ତ ରଖିଥିଲା । ସ୍ପେଶାଲ ସ୍କ୍ୱାର୍ଡ ଓ ଲଷ୍ମୀସାଗର ଥାନା ପୋଲିସର ଉଦ୍ୟମରେ ୨୪ ଘଣ୍ଟାରେ ଛାତ୍ରଙ୍କୁ ଉଦ୍ଧାର କରାଯାଇଛି । ଛାତ୍ରଙ୍କୁ ଉଦ୍ଧାର କରିବା ସହ ୪ ଜଣଙ୍କୁ ଅଟକ ରଖିଛି ପୋଲିସ । ଏଥିସହ ସେମାନଙ୍କ ନିକଟରୁ କାର ଓ ମାରଣାସ୍ତ୍ର ଜବତ ହୋଇଛି । ଛାତ୍ର ଜଣଙ୍କ ବେଙ୍ଗାଲୁରୁରେ ବିବିଏରେ ପଢୁଥିଲେ । କରୋନା ପାଇଁ ଘରକୁ ଆସିଥିଲେ । ତେବେ ଏହି ଅପହରଣକୁ ନେଇ ସାମ୍ବାଦିକ ସମ୍ମିଳନୀରେ ସବିଶେଷ ସୂଚନା ଦେବେ ଭୁବନେଶ୍ୱର ଡିସିପି ।