ସାମାନ୍ୟ କୋହଳ କଟକଣା, ରାତି ୧୦ରୁ ସକାଳ ୫ଟା ଯାଏଁ ରାତ୍ରୀକାଳୀନ କର୍ଫ୍ୟୁ

ଭୁବନେଶ୍ୱର: ରାଜ୍ୟ ସରକାରଙ୍କ ପକ୍ଷରୁ ଫେବୃଆରୀ ପାଇଁ ଗାଇଡଲାଇନ ଜାରି । ସାମାନ୍ୟ କୋହଳ ହେଲା କୋଭିଡ୍‌ କଟକଣା । ଏଣିକି ସମସ୍ତ ସହରାଞ୍ଚଳରେ ରାତି ୧୦ରୁ ସକାଳ ୫ଟା ଯାଏ ରାତ୍ରୀକାଳୀନ କର୍ଫ୍ୟୁ ଜାରି ରହିବ । ସକାଳ ୫ଟାରୁ ରାତି ୧୦ଟା ଯାଏଁ ଦୋକାନ ବଜାର ଖୋଲା ରହିବ । ସେହିଭଳି କୋଭିଡ୍ କଟକଣା ଭିତରେ ଶିକ୍ଷାନୁଷ୍ଠାନରେ ସରସ୍ବତୀ ପୂଜା ପାଳନ ହେବ । ଅଳ୍ପ ସଂଖ୍ୟକ ଛାତ୍ରଛାତ୍ରୀଙ୍କୁ ନେଇ ପୂଜା ଅନୁମତି ଦେଇଛନ୍ତି ରାଜ୍ୟ ସରକାର ।

ତେବେ ଶିକ୍ଷାନୁଷ୍ଠାନ ବ୍ୟତୀତ ଅନ୍ୟ କୌଣସି ପୂଜା ହୋଇପାରିବ ନାହିଁ ବୋଲି ନୂଆ ଗାଇଡଲାଇନରେ ନିର୍ଦ୍ଦେଶାନାମା ଜାରି କରିଛନ୍ତି SRC । ସେହିପରି ବିନା ଶ୍ରଦ୍ଧାଳୁରେ ହେବ ମାଘ ସପ୍ତମୀ ପୂଜା । ମନ୍ଦିର ଭିତରେ ରୀତିନୀତିରେ ପୂଜା ହୋଇପାରିବ । ହେଲେ ପୂଜାରେ କୌଣସି ଶ୍ରଦ୍ଧାଳୁ ସାମିଲ ହୋଇପାରିବେ ନାହିଁ । ଅନ୍ୟପଟେ ଶତ ପ୍ରତିଶତ କର୍ମଚାରୀରେ ସରକାରୀ ଅଫିସ ଚାଲିବ ବୋଲି ନୂଆ ଗାଇଡ୍‌ ଲାଇନରେ ଉଲ୍ଲେଖ ରହିଛି । କୋଭିଡ୍ କଟକଣା ଭିତରେ ସମ୍ପୂର୍ଣ୍ଣ କ୍ଷମତାରେ ସରକାରୀ କାର୍ଯ୍ୟ ପରିଚାଳନା କରାଯିବ  ।