ପ୍ରତିଶୋଧ ନେଲା ଭାରତ, ବାଂଲାଦେଶକୁ ୫ ଓ୍ୱିକେଟରେ ହରାଇ ସେମିରେ ଭାରତ

ଆଣ୍ଟିଗୁଆ: ପ୍ରତିଶୋଧ ନେଲା ଟିମ୍ ଇଣ୍ଡିଆ । ୨୦୨୦ ଅଣ୍ଡର-୧୯ ବିଶ୍ୱକପ ଫାଇନାଲର ପରାଜୟର ବଦଲା ନେଇଛି ଭାରତ । ଶନିବାର ଅଣ୍ଡର-୧୯ ବିଶ୍ୱକପରେ ଖେଳାଯାଇଥିବା କ୍ୱାଟର ଫାଇନାଲରେ ଭାରତ ବାଂଲାଦେଶକକୁ ୫ ଓ୍ୱିକେଟରେ ପରାସ୍ତ କରିଥିଲା । ଏହି ବିଜୟ ସହ ଭାରତ ଚଳିତ ଅଣ୍ଡର-୧୯ ବିଶ୍ୱକପ ସେମିଫାଇନାଲରେ ନିଜର ସ୍ଥାନ ପକ୍କା କରିଛି । ଏହି ବିଜୟରେ ଭାରତୀୟ ବୋଲର ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲେ । ଭାରତୀୟ ବୋଲରଙ୍କ ଦମଦାର ବୋଲିଂ ଫଳରେ ବାଂଲାଦେଶ ବଡ଼ ସ୍କୋର କରିବାରେ ବିଫଳ ହୋଇଥିଲା ।

All Over: Sealed with a SIX

India U19 have advanced to the semi-final of #U19CWC with a 5-wicket win over Bangladesh U19 in Antigua! #BoysInBlue #INDvBAN

Details – https://t.co/GJsWrPDzdJ pic.twitter.com/tkt6xC3qD9

— BCCI (@BCCI) January 29, 2022

ଶନିବାର ଖେଳାଯାଇଥିବା ମ୍ୟାଚରେ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଆରମ୍ଭରୁ ଭାରତୀୟ ବୋଲରଙ୍କ ଦମଦାର ବୋଲିଂ ଫଳରେ ବ୍ୟାକଫୁଟକୁ ଚାଲି ଯାଇଥିଲା ବାଂଲାଦେଶ । ଭାରତୀୟ ବୋଲିଂ ଆଟାକ ଆଗରେ ଅଧିକ ସମୟ ତିଷ୍ଠି ପାରିନଥିଲା ବାଂଲାଦେଶ ।  ମାତ୍ର ୧୧୧ ରନ କରି ଅଲଆଉଟ ହୋଇଥିଲା ବାଂଲାଦେଶ । ଭାରତ ପକ୍ଷରୁ ରବି କୁମାର ୩ଟି ଓ୍ୱିକେଟ ନେଇଥିବାବେଳେ ଭିକି ଓସ୍ତାଲ ୨ଟି, କୌଶାଲ ତାମ୍ବେ, ଅଙ୍ଗକ୍ରିଶ ରଘୁବଂଶୀ ଓ ରାଜବର୍ଦ୍ଧନ ହଙ୍ଗରଗେକର ଗୋଟିଏ ଲେଖାଏଁ ଓ୍ୱିକେଟ ଅକ୍ତିଆର କରିଥିଲେ । ୧୧୨ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିଲା ଟିମ୍ ଇଣ୍ଡିଆ । ଭାରତ ମାତ୍ର ୩୦.୫ ଓଭରରେ ଏହି ବିଜୟ ଲକ୍ଷ୍ୟ ହାସଲ କରିଥିଲା । ଏହି ବିଜୟ ସହ ଭାରତ ଅଣ୍ଡର-୧୯ ବିଶ୍ୱକପ ସେମି ଫାଇନାଲରେ ନିଜ ସ୍ଥାନ ପକ୍କା କରିଛି । ସେମିଫାଇନାଲରେ ଭାରତ ବୁଧବାର ଅଷ୍ଟ୍ରେଲିଆକୁ ଭେଟିବ ।