ଆଜିଠୁ ରାସ୍ତାରେ ବସିବ ହାଟ, କରୋନା ସଂକ୍ରମଣକୁ ଦେଖି ବିଏମସିର କଡ଼ା ପଦକ୍ଷେପ

ଭୁବନେଶ୍ୱର: ରାଜଧାନୀରେ କରୋନା ସଂକ୍ରମଣ ବଢ଼ୁଥିବାର ଦେଖି କଡ଼ା ପଦକ୍ଷେପ ଗ୍ରହଣ କରିଛି ବିଏମସି । ଭୁବନେଶ୍ୱରରେ ଥିବା ହାଟର ଭିଡକମାଇବା ପାଇଁ ପୁଣି ଥରେ ହାଟ ଓ ବଜାରକୁ ବିକେନ୍ଦ୍ରୀକରଣ କରିଛି ବିଏମସି । ରାସ୍ତା କଡରେ କୋଭିଡ କଟକଣା ଭିତରେ ହେବ ବ୍ୟବସାୟ । ପ୍ରଥମେ ୟୁନିଟ-୪ ମାର୍କେଟ ଓ ୟୁନିଟ-୧ ହାଟକୁ ବିକେନ୍ଦ୍ରୀକରଣ କରିଛି ବିଏମସି । ଏହା ପରେ ପର୍ଯ୍ୟାୟ କ୍ରମେ ସବୁ ଭିଡ଼ ସ୍ଥାନରେ ଲାଗୁ ହେବ କଡ଼ା ନିୟମ ।

ଦ୍ରୁତ ସଂକ୍ରମଣକୁ ଦୃଷ୍ଟିରେ ରଖି ଏହି କଡ଼ା ଆଭିମୁଖ୍ୟ ଗ୍ରହଣ କରିଛି ବିଏମସି । ସଚେତନ ଥିଲେ ମଧ୍ୟ ଟିକା ନେଇଥିବାରୁ କରୋନା ଗାଇଡଲାଇନ୍ ମାନିବାରେ ଅବହେଳା କରୁଛନ୍ତି ଲୋକେ । ତେଣୁ ଏଥର କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଅଣ୍ଟା ଭିଡିଛି ବିଏମସି । ଅମାନିଆଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ସହିତ ହାଟ ଓ ମାର୍କେଟର ବିକେନ୍ଦ୍ରୀକରଣ ଉପରେ ଗୁରୁତ୍ୱ ଦେଇଛନ୍ତି ବିଏମସି କମିଶନର ।