ଆଶ୍ଚର୍ଯ୍ୟ: ଏଠାରେ କେବେବି ହୁଏନି ସୂର୍ଯ୍ୟାସ୍ତ

ନରୱ: ପୂରା ସୌରଜଗତ ନିର୍ଦ୍ଦିଷ୍ଟ ନିୟମରେ ବନ୍ଧା । ବିଶେଷ କରି ଆମ ପୃଥିବୀ । ପ୍ରକୃତିର ନିୟମରେ ଯାହା ଲେଖାଥାଏ ତା’ଠାରୁ ଭିନ୍ନ କିଛି ଏଠି ଘଟି ନଥାଏ। କହିବାର ମାନେ ହେଉଛି ନିର୍ଦ୍ଦିଷ୍ଟ ସମୟରେ ଦିନରାତି ହେବା ସ୍ବୟଂ ନିର୍ଦ୍ଧାରିତ ନିୟମ। ଏହାକୁ ଚାହିଁଲେ ମଧ୍ୟ କେହି ବଦଳାଇ ପାରିବେ ନାହିଁ। ନିର୍ଦ୍ଧାରିତ ସମୟରେ ସୂର୍ଯ୍ୟ ଉଦୟ ହୋଇ ଅସ୍ତ ହୋଇଥାଏ । ଚନ୍ଦ୍ରର ଶୀତଳ କିରଣରେ ପୂରା ବିଶ୍ବ ଶାନ୍ତି ନିଦ୍ରାରେ ଶୋଇଥାଏ।

ହେଲେ ଏହି ଦିନରାତିର ବ୍ୟବଧାନ ଭିନ୍ନ ଭିନ୍ନ ଦେଶରେ ଭିନ୍ନ ରହିଥାଏ । ଯେମିତିକି ଆମେରିକାରେ ଯେତେବେଳେ ରାତି ଥାଏ ସେତେବେଳେ ଭାରତରେ ଦିନ ହୋଇଥାଏ। ପୃଥିବୀରେ ଏପରି ଅନେକ ସ୍ଥାନ ଅଛି ଯେଉଁଠାରେ ଦିନ ଲମ୍ବା ହୋଇଥିବା ବେଳେ ରାତି ଛୋଟ। ହେଲେ କେବେ ରାତି ହେଉ ନଥିବା ସ୍ଥାନ ସମ୍ପର୍କରେ ଶୁଣିଛନ୍ତି କି ? ଜାଣି ଆଶ୍ଚର୍ଯ୍ୟ ହେବେ ଆମ ପୃଥିବୀରେ ଏମିତି ଏକ ଦେଶ ରହିଛି ଯେଉଁଠି କେବେ ରାତି ହୋଇନଥାଏ। ଏଠାରେ ସୂର୍ଯ୍ୟଅସ୍ତ ହୋଇଥାଏ ସତ ହେଲେ ସନ୍ଧ୍ୟା ପରେ ରାତି ହେବା ବେଳକୁ ସୂର୍ଯ୍ୟ ପୁଣି ଉଦୟ ହୋଇସାରିଥାନ୍ତି ।

ଆକାଶରେ ସୂର୍ଯ୍ୟ ଏଠାରୁ ବିଦାୟ ନିଏ ନାହିଁ। ୨୪ ଘଣ୍ଟାରୁ ମାତ୍ର କେଇ ମିନିଟ ପାଇଁ ଏଠାରେ ଲୁଚିଯାଏ ସୂର୍ଯ୍ୟ। ଯେଉଁଥି ପାଇଁ ଏଠାରେ ସନ୍ଧ୍ୟା ଗାଢ଼ ରାତିରେ ପରିଣତ ହେବା ପୂର୍ବରୁ ସୂର୍ଯ୍ୟ ଉଦୟ ହୋଇଥାଏ। କାରଣ ଏହି ଦେଶରେ ସୂର୍ଯ୍ୟ ଅତି କମ୍ ସମୟ ପାଇଁ ଅସ୍ତ ହୁଅନ୍ତି। ବିଶ୍ବ ମାନଚିତ୍ରରେ ୟୁରୋପରେ ରହିଛି ଏହି ଦେଶ ନରୱେ। ୟୁରୋପ ଉତ୍ତର ମେରୁ ନିକଟରେ ରହିଛି। ବରଫ ପାହାଡ଼ ସାଙ୍ଗକୁ ଗ୍ଲାସିୟରରେ ଆଚ୍ଛାଦିତ ଏହି ସ୍ଥାନ ବହୁତ ଥଣ୍ଡା।

ଏଠାରେ ଥିବା ନରଓ୍ବେ ଏମିତି ଏକ ଦେଶ, ଯାହା ସମ୍ପର୍କରେ କୁହାଯାଇଥାଏ ଏଠାରେ କେବେ ଦିନ ଶେଷ ହୋଇନଥାଏ । ଏଠାରେ ସୂର୍ଯ୍ୟଅସ୍ତ ହେବାର ୪୦ ମିନିଟ ପରେ ପୁଣି ଉଦୟ ହୋଇଥାଏ । ଏହି ୪୦ ମିନିଟ ବ୍ୟତୀତ ବାକି ସମୟ ଏହି ଦେଶ ସୂର୍ଯ୍ୟଙ୍କ କିରଣ ତଳେ ରହିଥାଏ।

ସାଧାରଣ ସମୟ ଅନୁଯାୟୀ ଯଦି ଦେଖିବା ନରୱେରେ ସୂର୍ଯ୍ୟ ରାତି ୧୨ଟା ୪୩ ମିନିଟରେ ଅସ୍ତ ହୁଏ ଏବଂ ୪୦ ମିନିଟ୍ ପରେ ରାତି ସାଢ଼େ ଗୋଟାଏ ବେଳେ ସକାଳ ହୋଇଯାଏ। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏହି କ୍ରମଟି ଦିନେ କି ଦୁଇଦିନ ପାଇଁ ହୋଇନଥାଏ । ପୂରା ଅଢ଼େଇ ମାସ ପର୍ଯ୍ୟନ୍ତ ଏମିତି ଚାଲିଥାଏ। ଯେଉଁଥିପାଇଁ ନରୱେକୁ ‘କଣ୍ଟ୍ରି ଅଫ ମିଡନାଇଟ୍ ସନ୍’ ମଧ୍ୟ କୁହାଯାଏ।

ଏବେ ସମସ୍ତଙ୍କ ଗୋଟିଏ ପ୍ରଶ୍ନ ଉଠୁଥିବ ଏମିତି କାହିଁକି ହୁଏ ? କାହିଁକି ଏଠାରେ ସୂର୍ଯ୍ୟ ଅସ୍ତ ହୁଏନି ? ଏମିତି ହେବାର କରଣ ହେଉଛି ଏହି ଦେଶ ଆର୍କଟିକ୍ ସର୍କଲ୍ ମଧ୍ୟରେ ଆସୁଛି। ଯେଉଁଥିପାଇଁ ମେ ଏବଂ ଜୁଲାଇ ମାସ ମଧ୍ୟରେ ୭୬ ଦିନ ପର୍ଯ୍ୟନ୍ତ ସୂର୍ଯ୍ୟ ଅସ୍ତ ହୁଏ ନାହିଁ। ହେମରଫେଷ୍ଟ ସହରରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳେ।

ଏହି ଅଢ଼େଇ ମାସକୁ ଛାଡ଼ିଦେଲେ ଆଟାର୍କଟିକ ସର୍କଲରେ ଆସୁଥିବା ଅଞ୍ଚଳ ଗୁଡ଼ିକ ଅଧିକାଂଶ ସମୟ ରାତି ହିଁ ରହିଥାଏ। ସୂର୍ଯ୍ୟ ବର୍ଷକୁ ମାତ୍ର ଗୋଟିଏ ଘଣ୍ଟା ପାଇଁ ହିଁ ଆସିଥାଏ । ନରୱେରେ ଏମିତି ଅଞ୍ଚଳ ବି ଅଛି ଯେଉଁଠାରେ ୧୦୦ ବର୍ଷ ଧରି ସୂର୍ଯ୍ୟକିରଣ ପହଞ୍ଚି ନାହିଁ। ଏହାର କାରଣ ହେଉଛି ଏହି ପୁରା ସହର ପର୍ବତ ଦ୍ବାରା ଘେରି ରହିଛି। ଆଉ ଏହି ଦେଶ ପର୍ଯ୍ୟଟକଙ୍କ ପାଇଁ ପ୍ରଥମ ପସନ୍ଦ।