କଂଗ୍ରେସ ନେତା କହ୍ନେୟାଙ୍କ ଗସ୍ତ ପରେ ସଭାସ୍ଥଳ ଶୁଦ୍ଧି କଲେ ଯୁବକ
ନବରଙ୍ଗପୁର: କଂଗ୍ରେସ ନେତା କହ୍ନେୟା କୁମାରଙ୍କ ସଭାସ୍ଥଳକୁ ଶୁଦ୍ଧିକରଣ କଲେ ନବରଙ୍ଗପୁରର ଦୁଇଯୁବକ । ଦେଶଦ୍ରୋହର ଆଖ୍ୟା ଦେଇ ସଭାସ୍ଥଳକୁ ଶୁଦ୍ଧିକରଣ କରିଛନ୍ତି ଦୁଇ ଯୁବକ । ଶୁଦ୍ଧିକରଣ ସମୟର ଭିଡିଓ ଭାଇରାଲ ହେବାରେ ଲାଗିଛି । ଗତକାଲି ନବରଙ୍ଗପୁର ସହର ହିରଲୀସ୍ଥିତ ନୂତନ ମଣ୍ଡେଇ ପଡ଼ିଆଠାରେ ୧୦୦ ତମ ପ୍ରତିଷ୍ଠା ଦିବସକୁ ସଂକଳ୍ପ ଦିବସ ଭାବେ ପାଳନ କରିଥିଲା ଜିଲ୍ଲା କଂଗ୍ରେସ ।
ଏହି କାର୍ଯ୍ୟକ୍ରମରେ ଅତିଥିଭାବେ ଯୋଗ ଦେଇଥିଲେ କଂଗ୍ରେସ ନେତା କହ୍ନେୟା କୁମାର ଓ ଅନ୍ୟ ବରିଷ୍ଠ ନେତା । ତେବେ ସଭାପରେ କାର୍ଯ୍ୟକ୍ରମ ସ୍ଥଳକୁ ଗଙ୍ଗାଜଳ ଛିଞ୍ଚି ପବିତ୍ର କରିଛନ୍ତି ନବରଙ୍ଗପୁର ଜିଲ୍ଲା ହିନ୍ଦୁ ଏକତା ବାହିନୀ । ଏହି ଶୁଦ୍ଧିକରଣର ଭାଇରାଲ ଭିଡିଓରେ ଯୁବକମାନେ ନବରଙ୍ଗପୁର ସହରର ଜଣେ ସଚେତନ ନାଗରିକ ବୋଲି ନିଜକୁ ସମ୍ବୋଧନ କରିବା ସହିତ କହ୍ନେୟା କୁମାର ଜେଏନୟୁର ଛାତ୍ର ଥିବା ବେଳେ ଟୁକଡେ ଗ୍ୟାଙ୍ଗର ପ୍ରମୁଖ ସଦସ୍ୟ ରହି ତାହାର ନେତୃତ୍ୱ ନେବା ସହ ଦେଶ ବିରୋଧୀ ନାରା ଦେଇଥିଲେ । ଏହାକୁ ବିରୋଧ କରିଥିବା ଯୁବକମାନେ କହିଛନ୍ତି । ତାଙ୍କଭଳି ଦେଶଦ୍ରୋହୀଙ୍କ ପାଦ ନବରଙ୍ଗପୁର ଭଳି ସହିଦ ପବିତ୍ର ମାଟିରେ ପଡିବା ଦ୍ୱାରା ମାଟି ଅପବିତ୍ର ହୋଇଯାଇଥିବା ଯୁବକମାନେ ଅଭିଯୋଗ କରିଛନ୍ତି ।
