ବନ୍ଧା ହେଲେ କୋଟିପତି ଅତର ବ୍ୟବସାୟୀ: ୩୫୭ କୋଟି ଟଙ୍କା ଜବତ, ଆହୁରି ଚାଲିଛି ଖୋଜା
ଲକ୍ଷ୍ନୌ: ୟୁପି ନିର୍ବାଚନ ପୂର୍ବରୁ ବଡ଼ ରେଡ୍ । ଗିରଫ ହେଲେ କୋଟିପତି ଅତର ବ୍ୟବସାୟୀ ପୀୟୁଷ ଜୈନ୍ । ଜିଏସଟି ବିଭାଗ ପୀୟୁଷ ଜୈନଙ୍କୁ କାନପୁରରୁ ଗିରଫ କରିଛି । ବର୍ତ୍ତମାନ ଯାଏ ଚାଲିଥିବା ରେଡରୁ ୩୫୭ କୋଟି ଟଙ୍କା ସହ ବିପୁଳ ସୁନା ଅଳଙ୍କାର ଜବତ ହୋଇଛି । ଅପରେସନ୍ ବିଗ୍ ବଜାର୍ ଏବେ ବି ଜାରି ରହିଛି । କୁହାଯାଉଛି ପୀୟୁଷ ଜୈନ୍ ପ୍ରାୟ ୪୦ଟି କମ୍ପାନୀର ମାଲିକ ।
ଟିକସ ଚୋରି ଅଭିଯୋଗରେ ପୀୟୁଷ ଜୈନଙ୍କୁ ସିଜିଏସଟି ଆଇନର ଧାରା ୬୯ ଅନୁସାରେ ଗିରଫ କରାଯାଇଛି । ଗୁରୁବାର ଜିଏସଟି ଗୁଇନ୍ଦା ନିର୍ଦ୍ଦେଶାଳୟ ଓ ଆୟକର ବିଭାଗ ମିଳିତ ଭାବେ କନୌଜର ଅତର ବ୍ୟବସାୟୀ ପୀୟୁଷ ଜୈନଙ୍କ କାନପୁର ଘରେ ରେଡ୍ କରିଥିଲା । ରେଡ୍ ବେଳେ ଆଲମାରୀରୁ ଏତେ ଟଙ୍କା ମିଳିଲା ଯେ ବ୍ୟାଙ୍କରୁ ଟଙ୍କା ଗଣିବା ମେସିନ୍ ମଗାଇବାକୁ ପଡ଼ିଥିଲା । ପ୍ରାୟ ୮ଟି ମେସିନରେ ଗଣା ଯାଇଥିଲା ଟଙ୍କା ।
