ATM କାର୍ଡ଼ ପାଇଲେ, ଟଙ୍କା ଉଠାଇଲେ ପରେ ସବୁ ଫେରାଇଦେଲେ

ଭୁବନେଶ୍ୱର: ବାଟରେ ବାଟୋଇ ପାଇଥିଲେ ଏକ ଏଟିଏମ କାର୍ଡ । ସାଧାରଣ ମଣିଷର ପ୍ରବୃତ୍ତି ଭାବେ ତାଙ୍କୁ ମଧ୍ୟ ଲୋଭ ଆସିଥିଲା  । କିନ୍ତୁ ମାନବିକତା ଆଗରେ ହାର ମାନିଲା ଲୋଭ । ଏଟିଏମ କାର୍ଡ ରାସ୍ତାରୁ ପାଇବା ପରେ ଏଟିଏମକୁ ଯାଇ ଟଙ୍କା ଉଠାଇଥିଲେ  । ପରବର୍ତ୍ତୀ ସମୟରେ ଏହି କାର୍ଯ୍ୟ କେଉଁଠି ନା କେଉଁଠି ମାନବିକତାର ବିରୋଧରେ ବୋଲି ତାଙ୍କୁ ହୃଦବୋଧ ହୋଇଥିଲା  ।  ଉଠାଇଥିବା ୨୪ ହଜାର ଟଙ୍କା ଓ ଏଟିଏମ କାର୍ଡକୁ ଫେରାଇଦେଲେ ।  ଭୁବନେଶ୍ୱରର ଲକ୍ଷ୍ମୀସାଗର ଥାନା ଅଞ୍ଚଳରେ ଦେଖିବାକୁ ମିଳିଛି ଏଭଳି ଘଟଣା  ।

ଖବର ଅନୁଯାୟୀ ଗତ ସୋମବାର ବିଜେବି ନଗରର ଏକ ପାର୍କ ପାଖରେ ଏଟିଏମ କାର୍ଡ ପଡିଥିବା ଦେଖିବାକୁ ପାଇଥିଲେ ଦୁର୍ଗା ଚରଣ ଦାସ । କାର୍ଡ ପାଇବା କ୍ଷଣି ନିକଟସ୍ଥ ଏଟିଏମକୁ ଯାଇ ୨୪ ହଜାର ଟଙ୍କା ଉଠାଇଥିଲେ । ପରେ ଏହା ଉଚିତ ନୁହେଁ ବୋଲି ଅନୁଭବ କରିଥିଲେ  । ପରେ ଏଟିଏମ କାର୍ଡ ଓ ଟଙ୍କା ଧରି ଥାନାରେ ହାଜର ହୋଇଥିଲେ । ପୋଲିସ ସହାୟତାରେ ଏଟିଏମ କାର୍ଡ ପାଇପାରିଛନ୍ତି ପ୍ରକୃତ କାର୍ଡଧାରୀ  ।