ମାନୁନି ମାଆ ମନ, ମୃତ ଛୁଆକୁ କୋଳରେ ଧରି ବୁଲୁଛି ମାଙ୍କଡ଼
ଭଦ୍ରକ: ମାଆର ମମତା ସନ୍ତାନ ପାଇଁ ସବୁବେଳେ ରହିଥାଏ । ଆଜିର ଦୁନିଆରେ ଟଙ୍କା, ସମ୍ପତ୍ତି ପାଇଁ ମଣିଷ ରକ୍ତ ସମ୍ପର୍କ ଭୁଲି ଯାଉଛି । ପୁଅ, ମାଆକୁ ଟଙ୍କା ପାଇଁ ମାଡ଼ ମାରୁଛି । ଏମିତି ଅନେକ ଉଦାହରଣ ବି ରହିଛି । ଭତ୍ତା ଟଙ୍କା ନଦେବାରୁ ମାଆକୁ ଘରୁ ତଡ଼ି ଦେଇଛି ପୁଅ । ପ୍ରତିଦିନ ଏଭଳି ଦୃଶ୍ୟ ଦେଖିବାକୁ ମିଳୁଥିବା ବେଳେ ଏ ଚିତ୍ର ଆପଣଙ୍କୁ ବିଚଳିତ କରିବ । ଭାବିବାକୁ ବାଧ୍ୟ କରିବ ମାଙ୍କଡ଼ଠୁ କେତେ ନୀଚ ମଣିଷ ।
ମଲା ଛୁଆକୁ କୋଳରେ ଧରିଛି ମାଡ଼ଙ୍କ, ଗେଲ ବି କରୁଛି । ବୋଧ ହୁଏ ସେ ଜାଣିନି ଛୁଆ ଆଉ ଦୁନିଆରେ ନାହିଁ । ଛୁଆ ମରି ଯାଇଥିଲେ ବି ମାଆର ମମତାରେ କୌଣସି କମି ନାହଁ । ମଲା ଛୁଆକୁ କୋଳରେ ଧରି ମାଙ୍କଡ଼ଟି ଧାଇଁ ଯାଉଛି । କେବେ ରାସ୍ତାରେ ଛୁଆକୁ ଖାକରେ ଯାକି ଦୁଇ ଗୋଡ଼ରେ ଚାଲୁଛି ତ ଆଉ କେବେ ଚାଳ ଉପରେ ବସି ଛୁଆକୁ ଆଉଁଶୁଛି ।
ସୂଚନା ଅନୁଯାୟୀ ମାଙ୍କଡ଼ ଦଳ ଖେଳୁଥିବା ସମୟ କୌଣସି କାରଣ ବଶତଃ ମାଙ୍କଡ଼ ଛୁଆର ମୃତ୍ୟୁ ହୋଇଥିଲା । କିନ୍ତୁ ମାଆ ମାଙ୍କଡ଼ ଏହି କଥାକୁ ଗ୍ରହଣ କରିପାରୁ ନାହିଁ । ଦଳରୁ ଅଲଗା ହୋଇ ମୃତ ଛୁଆକୁ ଧରି ଏଣେତେଣେ ଘୁରି ବୁଲୁଛି ।
