ଲୁଧିଆନା ଜିଲ୍ଲା କୋର୍ଟରେ ବିସ୍ଫୋରଣ; ୨ ମୃତ, ୩ ଆହତ

ଲୁଧିଆନା: ପଞ୍ଜାବ ଲୁଧିଆନା ସେସନ କୋର୍ଟ ପରିସରରେ ଏକ ବଡ଼ ଧରଣର ବିସ୍ଫୋରଣ ହୋଇଛି । ଏହି ବିସ୍ଫୋରଣ ଫଳରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ଚାରି ଜଣ ଆହତ ହୋଇଥିବା ସୂଚନା ମିଳିଛି । କୋର୍ଟ ପରିସରରେ କିପରି ଏତେ ବଡ଼ ବିସ୍ଫୋରଣ ହେଲା ତାହାକୁ କେହି ବି ବିଶ୍ୱାସ କରିପାରୁନାହାନ୍ତି । ତେବେ କେଉଁ କାରଣରୁ ଏତେ ବଡ଼ ବିସ୍ଫୋରଣ ହେଲା ତାହାର କାରଣ ଏପର୍ଯ୍ୟନ୍ତ ଜଣା ପଡ଼ିନାହିଁ ।

I am going to Ludhiana. Some anti-national elements are doing such acts as Assembly elections are nearing. The government is on alert. Those found guilty will not be spared: Punjab CM Charanjit Singh Channi on explosion at Ludhiana District Court Complex pic.twitter.com/T6trPdLr6b

— ANI (@ANI) December 23, 2021

ଏହି ବିସ୍ଫୋରଣ ପରେ ତଦନ୍ତ ପାଇଁ NIA-NSG ଟିମ୍ ଘଟଣାସ୍ଥଳରେ ପହଞ୍ଚିଛି । ଏହି ବିସ୍ଫୋରଣ ପରେ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନୀଙ୍କ ବୟାନ ଦେଇଛନ୍ତି । ସେ କହିଛନ୍ତି ଏହା ଏକ ଷଡଯନ୍ତ୍ର । ପଞ୍ଜାବ ନିର୍ବାଚନ ଯେତିକି ପାଖେଇ ଆସୁଛି କିଛି ଦେଶ ବିରୋଧୀ ଶକ୍ତି ଦ୍ୱାରା ଏପରି ଷଡଯନ୍ତ୍ର କରାଯାଉଛି ବୋଲି କହିଛନ୍ତି ଚରଣଜିତ୍ ସିଂ ଚନ୍ନୀ । ମୁଁ ଘଟଣାସ୍ଥଳକୁ ଯିବି ଏବଂ ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନୀ ।

ଏହି ବିସ୍ଫୋରଣର ତୀବ୍ରତା ଏତେ ମାତ୍ରରେ ଅଧିକ ଥିଲା ଯେ ୬ ମହଲା ବିଶିଷ୍ଟ ଏହି କୋର୍ଟକୁ ଦେହଲାଇ ଦେଇଥିଲା । ତେବେ ଏହି ବିସ୍ଫୋରଣ ବୋମା ଦ୍ୱାରା ହୋଇଥିଲା ନା ଗ୍ୟାସ ସିଲିଣ୍ଡର ଦ୍ୱାରା ହୋଇଥିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।