କାଶ୍ମୀରରେ ୧ ଘଣ୍ଟା ଭିତରେ ୨ ଆକ୍ରମଣ, ଜଣେ ନାଗରିକ ମୃତ, ASI ଆହତ

ଶ୍ରୀନଗର: ଜାମ୍ମୁ କାଶ୍ମୀରରେ ବୁଧବାର ଗୋଟିଏ ଘଣ୍ଟାରେ ଭିତରେ ଦୁଇଟି ଆତଙ୍କବାଦୀ ଆକ୍ରମଣ ହୋଇଛି । ପ୍ରଥମ ଆକ୍ରମଣ ଶ୍ରୀନଗରର ଇଦଗାହରେ ହୋଇଥିଲା । ଯେଉଁଠାରେ ଆତଙ୍କବାଦୀମାନେ ଜଣେ ସାଧାରଣ ନାଗରିକଙ୍କ ଉପରକୁ ଗୁଳି ମାଡ କରିଥିଲେ । ଯେଉଁଥିରେ ନାଗରିକଙ୍କ ମୃତ୍ୟୁ ହୋଇଥିଲା । ଏହି ଘଟଣାର ଦୁଇ ଘଣ୍ଟା ପରେ ଆତଙ୍କବାଦୀମାନେ ଅନନ୍ତନାଗରେ ଜଣେ ପୋଲିସ ଅଫିସର ଉପରେ ମଧ୍ୟ ଆକ୍ରମଣ କରିଥିଲେ ।

#Terrorists fired upon a #civilian namely Rouf Ahmad at Merjanpora, Eidgah PS Safakadal #Srinagar. The injured was shifted to SMHS hospital where he was declared dead. #Case registered, investigation going on. @JmuKmrPolice

— Kashmir Zone Police (@KashmirPolice) December 22, 2021

ଶ୍ରୀନଗରରେ ଆତଙ୍କବାଦୀ ଇଦଗାହ ଅଞ୍ଚଳରେ ଜଣେ ନାଗରିକଙ୍କ ଉପରେ ଆକ୍ରମଣ କରିଥିଲେ । ଆକ୍ରମଣରେ ଶିକାର ହୋଇଥିବା ବ୍ୟକ୍ତି ଜଣଙ୍କ ହେଉଛନ୍ତି ରୈଫ ଅହମ୍ମଦ ଖାନ । ତାଙ୍କୁ ପ୍ରଥମେ ଶ୍ରୀନଗର ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲା । ଏହାର କିଛି ସମୟ ପରେ ଆତଙ୍କବାଦୀ ଅନନ୍ତନାଗରେ ଜାମ୍ମୁ କାଶ୍ମୀର ପୋଲିସ୍ ASI ମହମ୍ମଦ ଅସରଫଙ୍କ ଉପରକୁ ଗୁଳି ମାଡ କରିଥିଲେ । ଏହି ଆକ୍ରମଣରେ ପୋଲିସ୍ ଏସଏଆଇ ଗୁରୁତର ଭାବରେ ଆହତ ହୋଇ ଶ୍ରୀନଗର ହସ୍ପିଟାଲରେ ଭର୍ତ୍ତି କରାଯାଇଛି ।

Jammu & Kashmir: Terrorists shot at a person in Eidgah area of Srinagar city. Details awaited.

(Visuals deferred by unspecified time) pic.twitter.com/bEyhuB2VrQ

— ANI (@ANI) December 22, 2021

ସୂଚନା ଅନୁସାରେ ରୈଫ ଅହମ୍ମଦ ଖାନ ପ୍ରଥମେ ଆତଙ୍କବାଦୀ ଥିଲେ । କିନ୍ତୁ ପରେ ସେ ପୋଲିସ ପାଖରେ ଆତ୍ମସମର୍ପଣ କରିଥିଲେ । ଆତ୍ମସମର୍ପଣ ପରେ ସେ ଶ୍ରୀନଗରରେ ପ୍ରପୋଟି ଡିଲର ଭାବରେ କାର୍ଯ୍ୟ କରୁଥିଲେ । ଆତଙ୍କବାଦୀମାନେ ତାଙ୍କ ଘର ବାହାରେ ହିଁ ତାଙ୍କ ଗୁଳି କରିଥିଲେ । ଏହି ଆକ୍ରମଣ ପରେ ସେହି ଅଞ୍ଚଳରେ ସର୍ଚ୍ଚ ଅପରେସନ ଜାରି ରଖିଛି ସୁରକ୍ଷା ବାହିନୀ ।