୮ଟି ଦେଶୀ ବନ୍ଧୁକ ସହ ବିପୁଳ ଗୁଳି ଜବତ
ଅନୁଗୁଳ: ଅନୁଗୁଳ ଜିଲ୍ଲା ଛେଣ୍ଡିପଦା ଥାନା କେରଜଙ୍ଗରେ ବେଆଇନ ଅସ୍ତ୍ରଶସ୍ତ୍ର ବିକ୍ରି ଅଭିଯୋଗରେ ଜଣକୁ ଧରିଲା ଏସଟିଏଫ୍ । ଏଥିସହ ବନ୍ଧୁକ ଓ ଗୁଳି ଜବତ କରାଯାଇଛି । ବେଆଇନ୍ ଅସ୍ତ୍ରଶସ୍ତ୍ର ବିକ୍ରିର ସୂଚନା ପାଇ ଅନୁଗୁଳ ପୋଲିସ ସହାୟତାରେ ଏସଟିଏଫ୍ ଚଢାଉ କରିଥିଲା ।
୮ଟି ଦେଶୀ ବନ୍ଧୁକ ଓ ବିପୁଳ ପରିମାଣର ଗୁଳି ଜବତ ସହିତ ରତ୍ନାକର କାଲଟା ନାମକ ବ୍ୟକ୍ତିକୁ କାବୁ କରାଯାଇଛି । ଗିରଫ କାବୁ ଘର ସମ୍ବଲପୁର ଜିଲ୍ଲା ସରପାଲି ଅଞ୍ଚଳରେ । ଏନେଇ ଛେଣ୍ଡିପଦା ଥାନାରେ ମାମଲା ରୁଜୁ ହୋଇଛି । ୨୦୨୦ରୁ ଏବେ ସୁଦ୍ଧା ଏସଟିଏଫ୍ ୬୪ଟି ବନ୍ଧୁକ ଓ ୯୮ ରାଉଣ୍ଡ ଗୁଳି ଜବତ କରାଯାଇଛି ।
