ଶିଳପୁଆରେ ଝିଅକୁ ଛେଚି ମାରିବା ପରେ ବିଷ ପିଇଦେଲା ମାଆ

ରାଉରକେଲା: ସୁନ୍ଦରଗଡ଼ ଜିଲ୍ଲା ହେମଗିର ଥାନା ଅନ୍ତର୍ଗତ କଲାମେଘାରେ ଚାଞ୍ଚଲ୍ୟ । ନାବାଳିକା ଝିଅକୁ ହତ୍ୟା କରିବା ପରେ ମାଆ କରିଛି ଆତ୍ମହତ୍ୟା ଉଦ୍ୟମ । ପାରିବାରିକ କହଳ କାରଣରୁ ଝିଅକୁ ହତ୍ୟା କରାଯାଇଥିବା ସନ୍ଦେହ କରାଯାଉଛି ।

ନିଜର ୧୭ ବର୍ଷର ଝିଅକୁ ଶିଳପୁଆରେ ଛେଚି ମାଆ ହତ୍ୟା କରିବା ପରେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ଗୁରୁତର ଅବସ୍ଥାରେ ମାଆଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ହତ୍ୟାର ପ୍ରକୃତ କାରଣ ଅସ୍ପଷ୍ଟ ଥିବାବେଳେ ପୋଲିସ ପକ୍ଷରୁ ତଦନ୍ତ ଜାରି ରହିଛି । ମାଆ ସୁସ୍ଥ ହେଲା ପରେ ପ୍ରକୃତ କାରଣ ଜଣାପଡ଼ିବ ବୋଲି ଏସପି କହିଛନ୍ତି ।