ପୁଣି ପରାଜିତ ପାକିସ୍ତାନ; ୩-୧ରେ ଜିତିଲା ଭାରତ

ଢ଼ାକା: ବାଂଲାଦେଶର ଢ଼ାକାରେ ଚାଲୁଅଛି ଏସିଆନ ଚମ୍ପିଆନ୍ସ ଟ୍ରଫି ହକି । ଏହି ଟୁର୍ଣ୍ଣାମେଣ୍ଟରେ ଆଜି ମୁହାଁମୁହିଁ ହୋଇଥିଲେ ଦୁଇ ପାରମ୍ପାରିକ ପ୍ରତିଦ୍ୱନ୍ଦୀ ଭାରତ-ପାକିସ୍ତାନ । ଏହି ମ୍ୟାଚରେ ଭାରତ ପାକିସ୍ତାନକୁ ୩-୧ରେ ପରାସ୍ତ କରିଛି । ଏହି ବିଜୟ ସହ ଭାରତ ଚଳିତ ଏସିଆନ ଚମ୍ପିଆନ୍ସ ଟ୍ରଫି ହକିର ସେମିଫାଇନାଲରେ ପ୍ରବେଶ କରିଛି । ମ୍ୟାଚ ଆରମ୍ଭରୁ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା ଟିମ୍ ଇଣ୍ଡିଆ । ପ୍ରଥମ କ୍ୱାଟରର ୭ ତମ ମିନିଟରେ ଭାରତକୁ ମିଳିଥିଲା ଏକ ପେନାଲ୍ଟି କର୍ଣ୍ଣର । ଏହି ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥିଲା ଟିମ୍ ଇଣ୍ଡିଆ ।  ଭାରତ ପକ୍ଷରୁ ହରମନପ୍ରୀତ ସିଂ ପ୍ରଥମ ଗୋଲ ସ୍କୋର କରିଥିଲା । ଭାରତର ଏହି ଗୋଲ ଫଳରେ ପ୍ରଥମ କ୍ୱାଟର ଶେଷ ହେବା ସମୟରେ ୧-୦ରେ ଭାରତ ଆଗୁଆ ରହିଥିଲା । ଦ୍ୱିତୀୟ କ୍ୱାଟରରେ ଉଭୟ ଦଳ ଗୋଲ କରିବାକୁ ବହୁ ଉଦ୍ୟମ କରିଥିଲେ । କିନ୍ତୁ ଗୋଲ ସ୍କୋର କରିବାରେ ବିଫଳ ହୋଇଥିଲେ ଉଭୟ ଦଳ ।  ଦ୍ୱିତୀୟ କ୍ୱାଟର ଗୋଲ ଶୂନ୍ୟ ରହିବା ପରେ ତୃତୀୟ କ୍ୱାଟରରେ ଗୋଲ ସ୍କୋର କରିଥିଲା ଭାରତ । ମ୍ୟାଚର ୪୨ତମ ମିନିଟରେ ଭାରତ ପକ୍ଷରୁ ଦ୍ୱିତୀୟ ଗୋଲ ସ୍କୋର କରିଥିଲେ ଆକାଶଦୀପ ସିଂ । ଭାରତର ଦ୍ୱିତୀୟ ଗୋଲ ପରେ ପାକିସ୍ତାନ କମବ୍ୟାକ କରିଥିଲା । ପାକିସ୍ତାନ ୪୪ତମ ମିନିଟରେ ଗୋଲ ସ୍କୋର କରି ମ୍ୟାଚକୁ ୨-୧ ସ୍ଥିତିକୁ ଆଣିଥିଲା ।

A phenomenal all-round performance earns India the BIG ? over Pakistan ?#IndiaKaGame #HeroACT2021 pic.twitter.com/uxwWQ7Pm9A

— Hockey India (@TheHockeyIndia) December 17, 2021

ତୃତୀୟ କ୍ୱାଟର ଶେଷ ହେବା ସମୟରେ ଭାରତ ୨-୧ରେ ଆଗୁଆ ରହିଥିଲା । ଚତୁର୍ଥ ତଥା ଶେଷ କ୍ୱାଟରରେ ଗୋଲ ସ୍କୋର କରିବା ପାଇଁ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା ପାକିସ୍ତାନ । କିନ୍ତୁ ପାକିସ୍ତାନର ସବୁ ଆକ୍ରମଣକୁ ଅଟକାଇଥିଲା ଭାରତ । ମ୍ୟାଚର ୫୪ତମ ମିନିଟରେ ଭାରତକୁ ମିଳିଥିଲା ଆଉ ଏକ ପେନାଲ୍ଟି କର୍ଣ୍ଣର । ଏହି ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥିଲା ଟିମ୍ ଇଣ୍ଡିଆ । ଭାରତ ପକ୍ଷରୁ ହରମନପ୍ରୀତଙ୍କ ଷ୍ଟିକରୁ ଆସିଥିଲା ତୃତୀୟ ଗୋଲ । ଏହି ଗୋଲ ସହ ଭାରତ ଏହି ମ୍ୟାଚକୁ ୩-୧ରେ ବିଜୟ ଲାଭ କରିଛି । ଏହି ବିଜୟ ସହ ଚଳିତ ଏସିଆନ ଚମ୍ପିଆନ୍ସ ଟ୍ରଫି ହକିରେ ଭାରତ ସେମିଫାଇନାଲରେ ପ୍ରବେଶ କରିଛି ।