୫ ହରିଣ ଛାଲ ଜବତ, ବନ୍ଧା ହେଲେ ଦୁଇ

ପିପିଲି: କଠୋର ଆଇନ, ଲୋକଙ୍କ ମଧ୍ୟରେ ସଚେତନତା ସୃଷ୍ଟି ପରେ ବି ବନ୍ୟଜନ୍ତୁ ବିପଦରେ । ଅପରାଧୀଙ୍କ ଲୋଭର ଶିକାର ହେଉଛନ୍ତି ବନ୍ୟଜନ୍ତୁ । ମୋଟା ଅର୍ଥରେ କାରବାର ହେଉଛି ଅଙ୍ଗପ୍ରତ୍ୟଙ୍ଗ । ଏମିତି ହରିଣ ଚୋରା ଚାଲାଣ ବେଳେ ଦୁଇ ଅଭିଯୁକ୍ତଙ୍କୁ ଧରିଲା ଏସଟିଏଫ । ଜବତ ହେଲା ୫ ହରିଣ ଛାଲ ।

ବାଲିପାଟଣା ଓ ଖୋର୍ଦ୍ଧା ବନ ବିଭାଗ ସହାୟତାରେ ଚଢ଼ାଉ କରି ଦୁଇ ଅଭିଯୁକ୍ତଙ୍କୁ ଗିରଫ କରିଛି ଏସଟିଏଫ । ଗିରଫ ୨ ଅଭିଯୁକ୍ତ ହେଲେ ପୁରୀ ବଳଙ୍ଗାର କୃଷ୍ଣଚନ୍ଦ୍ର ସ୍ବାଇଁ ଓ ଗୋପର ସୁନୀଲ କୁମାର ପଲେଇ ।

୨୦୨୦ରୁ ଏବେ ସୁଦ୍ଧା ୨୧ଟି ବାଘ ଛାଲ, ୧୨ଟି ହାତୀ ଦାନ୍ତ, ୭ଟି ହରିଣ ଛାଲ, ୮ଟି ଜୀବନ୍ତ ବଜ୍ରକାପ୍ତା ଓ ୧୫ କେଜି ବଜ୍ରକାପ୍ତା କାତି ଜବତ କଲାଣି ଏସଟିଏଫ୍ । ୫୦ ବନ୍ୟପ୍ରାଣୀ ଅପରାଧୀଙ୍କୁ ଗିରଫ ହେଲେଣି ।