ସ୍ବାଭିମାନ ଅଞ୍ଚଳରେ ବିଏସଏଫ କ୍ୟାମ୍ପ

ମାଲକାନଗିରି: ମାଲକାନଗିରିର ଘନବେଡ଼ାରେ ଓଡ଼ିଶା ପୋଲିସ ଓ ବିଏସଏଫ୍ ପକ୍ଷରୁ ପ୍ରତିଷ୍ଠା ହେଲା ଆଉ ଏକ କ୍ୟାମ୍ପ । କ୍ୟାମ୍ପ ପ୍ରତିଷ୍ଠା ପାଇଁ ବିଏସଏଫକୁ ସମସ୍ତ ସହଯୋଗ ଯୋଗାଇଛନ୍ତି ସ୍ବାଭିମାନ ଅଞ୍ଚଳବାସୀ । କ୍ୟାମ୍ପ ପାଇଁ ଓଡ଼ିଶା ପୋଲିସ ଓ ବିଏସଏଫକୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାଦ୍ବାରା ସ୍ଥାନୀୟ ଅଞ୍ଚଳର ବିକାଶ ସହିତ ନକ୍ସଲଙ୍କ ମୁକାବିଲା କ୍ଷେତ୍ରରେ ଆଉ ଏକ ମାଇଲଖୁଣ୍ଟ ସ୍ଥାପନ ହୋଇଥିବା କହିଛନ୍ତି ମୁଖ୍ୟମନ୍ତ୍ରୀ ।

ପୂର୍ବରୁ ଗୋରସେତୁଠାରେ ବିଏସଏଫର ଶେଷ କ୍ୟାମ୍ପ ରହିଥିଲା । ଏବେ ଘନବେଡାଠାରେ କ୍ୟାମ୍ପ ହେବା ପରେ ମାଓବାଦୀଙ୍କୁ ଆଉ ଏକ ବଡ ଝଟକା ଲାଗିଛି । କ୍ୟାମ୍ପକୁ ବିଏସଏଫ ଡିଆଇଜି ସଞ୍ଜୟ କୁମାର ସିଂ ଉଦଘାଟନ କରିଥିବାବେଳେ କାର୍ଯ୍ୟକ୍ରମରେ ମାଲକାନଗିରି ଏସପି ଉପସ୍ଥିତ ଥିଲେ । ସ୍ଥାନୀୟ ବାସିନ୍ଦା ଉପସ୍ଥିତ ରହି ସମସ୍ତ ସହାୟତା ଯୋଗାଇ ଦେଇଛନ୍ତି ।