ମହୋଷଧି ଗଧ କ୍ଷୀର; ପିଇଲେ ବଢ଼ିବ ଇମ୍ୟୁନିଟି

ମୁମ୍ବାଇ: ମହାରାଷ୍ଟ୍ରର ହିଙ୍ଗୋଲି ସହରରେ ବିକ୍ରି ହେଉଛି ଗଧ କ୍ଷୀର । ଗଧ କ୍ଷୀର ପିଇବା ପାଇଁ ହିଙ୍ଗୋଲରେ ବହୁ ସଂଖ୍ୟାରେ ଲୋକ ଭିଡ ଜମାଉଛନ୍ତି । ଗଧ କ୍ଷୀର ବିକ୍ରି କରୁଥିବା ବାଲାଜୀ ମେସେବାଡ ଦାବି କରି କହିଛନ୍ତି କି ଗଧ କ୍ଷୀର ପିଇବା ଦ୍ୱାରା ଶରୀରରେ ଇମ୍ୟୁନିଟି ବଢ଼ିବ । କରୋନା ମହାମାରୀ ସମୟରେ ଏହା ଅତ୍ୟନ୍ତ ପ୍ରଭାବଶାଳୀ ହେବ । ତେବେ ଏହି ଗଧ କ୍ଷୀର ନେବା ପାଇଁ ହିଙ୍ଗୋଲିରେ ବହୁ ସଂଖ୍ୟାରେ ଲୋକ ଜମା ହେଉଛନ୍ତି । ଏହି ଗଧ କ୍ଷୀର ପ୍ରତି ଲିଟର ପିଛା ୧୦ ହଜାର ଟଙ୍କାରେ ବିକ୍ରି ହେଉଛି ।

ହିଙ୍ଗୋଲିର ଗଳି କନ୍ଦିରେ ବୁଲି ବୁଲି ବିକ୍ରି କରାଯାଉଛି ଏହି ଗଧ କ୍ଷୀର । ଗୋଟିଏ ଚାମଚ ଗଧ କ୍ଷୀର ପିଅନ୍ତୁ ଏବଂ ସମସ୍ତ ପ୍ରକାର ରୋଗରୁ ମୁକ୍ତି ପାଆନ୍ତୁ । ଏହି କ୍ଷୀରକୁ ପିଇବା ଫଳରେ ଲୋକଙ୍କୁ ଅନେକ ଫାଇଦା ମିଳିବ ବୋଲି ଜୋର ଜୋରରେ ଚିଲାଇ ଗଧ କ୍ଷୀର ବିକ୍ରି କରୁଛନ୍ତି ବାଲାଜୀ ମେସେବାଡ । ଏହି କ୍ଷୀର ପିଇବା ଦ୍ୱାରା ଛୋଟ ପିଲାଙ୍କୁ ନିମୋନିଆ ହେବ ନାହିଁ । ଏହା ବ୍ୟତୀତ ଜ୍ୱର, କାଶ, କଫ ପରି ରୋଗ ମଧ୍ୟ ହେବ ନାହିଁ । କ୍ଷୀର ବିକ୍ରି କରୁଥିବା ବାଲାଜୀ ମେସେବାଡ ଆହୁରି କହିଛନ୍ତି କି ଏହି କ୍ଷୀର ପିଇବା ଦ୍ୱାରା କରୋନାରେ ଆକ୍ରାନ୍ତ ଥିବା ରୋଗୀଙ୍କର ଇମ୍ୟୁନିଟି ମଧ୍ୟ ବୃଦ୍ଧି ପାଇବ । ଗଧ କ୍ଷୀର ବିକ୍ରି କରୁଥିବା ବାଲାଜୀ ମେସେବାଡ ଆହୁରି କହିଛନ୍ତି କି ଏହି କ୍ଷୀର ପିଇବା ଦ୍ୱାରା ଅନେକ ରୋଗରୁ ମଧ୍ୟ ମୁକ୍ତି ମିଳୁଛି । ଗୋଟିଏ ଚାମଚ କ୍ଷୀରର ମୂଲ୍ୟ ୧୦୦ ଟଙ୍କା ଏବଂ ଏକ ଲିଟର କ୍ଷୀରର ମୂଲ୍ୟ ୧୦ ହଜାର ଟଙ୍କାରେ ବିକ୍ରି କରୁଛନ୍ତି ବୋଲି କହିଛନ୍ତି ବାଲାଜୀ ମେସେବାଡ ।

ଅନ୍ୟପକ୍ଷରେ ଏହି ଘଟଣାରେ ଡାକ୍ତର ବିଏନ ରୋଡଗେ କହିଛନ୍ତି କି ଗଧ କ୍ଷୀର ୧୦ ହଜାର ଟଙ୍କାରେ ବିକ୍ରି କରାଯିବା ପୂରା ଭୁଲ ଅଟେ । ଗଧ କ୍ଷୀର ପିଇବା ଦ୍ୱାରା କରୋନା ମହାମାରୀ କେବେ ବି ଠିକ୍ ହେବ ନାହିଁ । ଏହା ସମ୍ପୂର୍ଣ୍ଣ ଭୁଲ କଥା । ଏମିତି ସବୁ କଥାକୁ ଆଖି ବନ୍ଦ କରି ବିଶ୍ୱାସ କରିବା ଭୁଲ କଥା । ଯଦି ଲୋକମାନେ କିଛି ରୋଗରେ ଆକ୍ରାନ୍ତ ହେଉଛନ୍ତି ତେବେ ତୁରନ୍ତ ଡାକ୍ତରଙ୍କ ପରମର୍ଶ କରନ୍ତୁ ବୋଲି କହିଛନ୍ତି ଡାକ୍ତର ବିଏନ ରୋଡଗେ ।