ଚପର ଦୁର୍ଘଟଣାରେ ସିଡିଏସ୍ ବିପିନ ରାୱତ ସହିଦ, ଟ୍ୱିଟ୍ କରି ସୂଚନା ଦେଲା ବାୟୁ ସେନା

ଚେନ୍ନାଇ: କନ୍ନୁରରେ ବାୟୁ ସେନାର ହେଲିକପ୍ଟର ଦୁର୍ଘଟଣାରେ ସିଡିଏସ୍ ବିପିନ ରାୱତ ଆଖି ବୁଜିଛନ୍ତି । ଆଜି ମଧ୍ୟାହ୍ନରେ ସିଡିଏସ୍ ବିପିନ ରାୱତ, ତାଙ୍କ ପତ୍ନୀଙ୍କ ୯ ଜଣ ସଦସ୍ୟ ଓ ୪ ଜଣ କ୍ରିଉ ମେମ୍ବର ୱେଲିଂଟନ୍ ଯାଉଥିବା ବେଳେ ହେଲିକପ୍ଟରଟି କ୍ରାସ୍ ହୋଇ ଯାଇଥିଲା । ୧୪ ଜଣଙ୍କ ମଧ୍ୟରୁ ୧୩ ଜଣଙ୍କ ମୃତ୍ୟୁ ହୋଇଥିବା ବାୟୁ ସେନା ଟ୍ୱିଟ୍ କରି ସୂଚନା ଦେଇଛି । ସିଡିଏସ୍ ବିପିନ ରାୱତଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରିଛି ଭାରତୀୟ ବାୟୁ ସେନା ।

Gp Capt Varun Singh SC, Directing Staff at DSSC with injuries is currently under treatment at Military Hospital, Wellington.

— Indian Air Force (@IAF_MCC) December 8, 2021

ଏବେ ଗ୍ରୁପ୍ କ୍ୟାପଟେନ୍ ବରୁଣ ସିଂହ ଏସସି, ଡିଏସଏସସିର ଡାଇରେକ୍ଟିଂ ଷ୍ଟାଫଙ୍କ ଚିକିତ୍ସା ୱେଲିଂଟନ୍ ସ୍ଥିତ ମିଲିଟାରୀ ହସ୍ପିଟାଲରେ କରାଯାଉଥିବା ସୂଚନା ଦେଇଛି ବାୟୁ ସେନା । ବିପିନ ରାୱତଙ୍କ ସହ ତାଙ୍କ ପତ୍ନୀ ମଧୁଲିକା ରାୱତଙ୍କ ମଧ୍ୟ ଦେହାନ୍ତ ହୋଇଛି । ବ୍ରିଗେଡିୟର ଏଲଏସ ଲିଡ୍ଡର, ଲେଫ୍ଟଲାଣ୍ଟ କନ୍ନେଲ ହର୍ଜିନ୍ଦର ସିଂହ, ଏନକେ ଗୁରଶ୍ୱେକ ସିଂହ, ଏନକେ ଜିତେନ୍ଦର କୁମାର, ବିବେକ କୁମାର, ବି ସାଇ ତେଜଙ୍କ ସହ ହାବିଲଦାର ସତପାଲ ସହିଦ ହୋଇଛନ୍ତି ।