ମୁକୁଳା ଏଟିଏମ୍ ପାଇଁ ବଢ଼ୁଛି ଲୁଟ୍, ସିକ୍ୟୁରିଟି ଅଡିଟ୍ କରିବ କମିଶନରେଟ୍ ପୋଲିସ
1 min read
ଭୁବନେଶ୍ୱର: ରାଜଧାନୀରେ ବ୍ୟାଙ୍କ ଓ ଏଟିଏମର ହେବ ସିକ୍ୟୁରିଟି ଅଡିଟ୍ । ବ୍ୟାଙ୍କ ଲୁଟ୍ ଓ ଏଟିଏମ୍ ଲୁଟ ଉପରେ ରୋକ୍ ଲଗାଇବା ପାଇଁ କମିଶନରେଟ ପୋଲିସ ପଦକ୍ଷେପ ନେଇଛି । ଦ୍ୱୈତ ନଗରୀରେ ଥିବା ବିଭିନ୍ନ ବ୍ୟାଙ୍କ ଓ ଏଟିଏମର ହେବ ସିକ୍ୟୁରିଟି ଅଡିଟ୍ । ଏନେଇ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ନିର୍ଦ୍ଦେଶ ଦେଇଛନ୍ତି ।
ସୁରକ୍ଷା ବ୍ୟବସ୍ଥା ସହ CCTV, ଅଲାରାମ ବ୍ୟବସ୍ଥା ଏବଂ ବ୍ୟାଙ୍କ ଓ ATM ସାମ୍ନାରେ ସିକ୍ୟୁରିଟି ରହୁଛନ୍ତି କି ନାହିଁ ଯାଞ୍ଚ କରିବ କମିଶନରେଟ ପୋଲିସର ସ୍ୱତନ୍ତ୍ର ଟିମ୍ । ସୁରକ୍ଷା ବ୍ୟବସ୍ଥା ଯାଞ୍ଚ କରିବା ପାଇଁ ଜଣେ ଅତିରିକ୍ତ ଡିସିପି, ଏସିପିଙ୍କ ସହ ଆଇଆଇସି ବ୍ୟାଙ୍କ ଓ ଏଟିଏମର ସୁରକ୍ଷା ବ୍ୟବସ୍ଥାର ଅଡିଟ୍ କରିବେ ।
ଏହି ସିକ୍ୟୁରିଟି ଅଡିଟ୍ ଜୋନ ସ୍ତରରେ କରାଯିବ । ଅଡିଟ୍ କରି ୩୦ ଦିନ ମଧ୍ୟରେ ଡିସିପିଙ୍କୁ ରିପୋର୍ଟ ଦେବେ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ଗାଇଡଲାଇନ୍ ଅନୁସାରେ ବ୍ୟାଙ୍କ ଓ ଏଟିଏମ୍ ଗୁଡ଼ିକରେ ସିସିଟିଭି, ଆଲାରାମ ବ୍ୟବସ୍ଥା ସହ ସୁରକ୍ଷା କର୍ମୀଙ୍କ ଉପସ୍ଥିତି ନେଇ ଯାଞ୍ଚ ହେବ ।
