କାଲି ଆସିବ ରାୟ, ଆଜି ସୁମିତ ଓ ଡିମ୍ପଲଙ୍କୁ କାଉନସେଲିଂ କଲେ SDJM

ବ୍ରହ୍ମପୁର: ବ୍ରହ୍ମନଗରରେ ସ୍ୱାମୀଙ୍କ ଘର ଆଗରେ ନବବଧୂ ଡିମ୍ପଲଙ୍କ ଧାରଣା ଘଟଣା । ଏସଡିଜେଏମ କୋର୍ଟରେ ହାଜର ହେଲେ ଡିମ୍ପଲ ଓରଫ ତପସ୍ୱିନୀ ଦାଶ । ଡିମ୍ପଲଙ୍କ ପକ୍ଷରୁ କୋର୍ଟରେ ନୂଆ ପିଟିସନ ଦାଖଲ କରାଯାଇଛି । ସ୍ୱାମୀ ସୁମିତ ସାହୁ ଓ ଡିମ୍ପଲଙ୍କୁ କାଉସେଲିଂ କରିଛନ୍ତି SDJM । ଗଣମାଧ୍ୟମରେ ଏସମ୍ପର୍କରେ ପ୍ରତିକ୍ରିୟା ଦେବାକୁ କୋର୍ଟ ବାରଣ କରିଛନ୍ତି ।

ସେପଟେ ଯେହେତୁ ମାମଲା ବିଚରାଧିନ ରହିଛି, ତେଣୁ ଗଣମାଧ୍ୟମ ଆଗରେ ପ୍ରତିକ୍ରିୟା ଦେବାକୁ ବାରଣ କରିଛନ୍ତି କୋର୍ଟ  । ମାମଲାରେ ପ୍ରତିକ୍ରିୟା ରଖିଛନ୍ତି ଡିମ୍ପଲଙ୍କ ଓକିଲ । ଆସନ୍ତାକାଲି କୋର୍ଟ ରାୟ ଶୁଣାଇପାରନ୍ତି ବୋଲି ଡିମ୍ପଲଙ୍କ ଓକିଲ କହିଛନ୍ତି । ପୂର୍ବରୁ କୋର୍ଟଙ୍କ ନିର୍ଦ୍ଦେଶ ମାନିନଥିଲେ ବୋହୁ ଡିମ୍ପଲ । ସଖୀ ସୁରକ୍ଷା କେନ୍ଦ୍ର ପରିବର୍ତ୍ତେ ଡିମ୍ପଲ ପୁଣି ଧାରଣାରେ ବସିଥିଲେ ।