ଏପ୍ରିଲ ପର୍ଯ୍ୟନ୍ତ ସତର୍କ ରୁହନ୍ତୁ ଏହି ରାଶିର ଝିଅ, ଏବେ ଆପଣଙ୍କର ଚାଲିଛି ଶନି ମହାଦଶା

ନୂଆଦିଲ୍ଲୀ: କୁହାଯାଏ ଗ୍ରହଦୋଷ ଭିତରେ ସବୁଠୁ ବଡ଼ ଦୋଷ ହେଉଛି ଶନି ଦୋଷ । ଶନି ଦେବଙ୍କ ଦୃଷ୍ଟିକୁ ଅଶୁଭ ବୋଲି ଧରାଯାଏ। ଯାହା ଉପରେ ଥରେ ଶନିଙ୍କ କୋପ ଦୃଷ୍ଟି ପଡ଼େ ତାର ଖରାପ ସମୟ ଆରମ୍ଭ ହୋଇଯାଏ। ପୌରାଣିକ କଥା ଅନୁଯାୟୀ ଭଗବାନ ଶିବ ମଧ୍ୟ ଶନି ଦେବଙ୍କ କୋପ ଦୃଷ୍ଟିରୁ ରକ୍ଷା ପାଇପାରିନଥିଲେ।

ବିଶ୍ୱାସ ରହିଛି ଯେ ଶନି ଦେବ ଏକ ବରଦାନ ପ୍ରାପ୍ତ କରିଛନ୍ତି ଯେ କେବଳ ମଣିଷ ନୁହେଁ ଦେବତାମାନେ ମଧ୍ୟ ତାଙ୍କ କୋପ ଦୃଷ୍ଟିରୁ ରକ୍ଷା ପାଇପାରିବେ ନାହିଁ। ଶନିଦେବଙ୍କ ଦୃଷ୍ଟି ସମସ୍ତଙ୍କୁ ପ୍ରଭାବିତ କରିଥାଏ । ବିଶେଷ କରି ଯେଉଁ ଝିଅମାନଙ୍କର ରାଶି ମିଥୁନ, ତୁଳା, ଧନୁ, ମକର ଓ କୁମ୍ଭ ହୋଇଥିବ ସେମାନଙ୍କୁ ଅଧିକ ସତର୍କ ରହିବା ଆବଶ୍ୟକ । କାରଣ ବର୍ତ୍ତମାନ ଏହି ରାଶିଗୁଡ଼ିକ ପରେ ଶନିମହାଦଶା ଚାଲିଛି ।

ଅଶୁଭ ଶନିର ଲକ୍ଷଣ:

ଜ୍ୟୋତିଷ ଶାସ୍ତ୍ର ଅନୁଯାୟୀ, ଯେଉଁମାନଙ୍କର ଜାତକରେ ଶନିଙ୍କ ଅଶୁଭ ସ୍ଥିତି ରହିଛି, ସେମାନଙ୍କୁ ଶନି ମହାଦଶା ଓ ସାଢ଼େ ସାତି ଦଶା ସମୟରେ ବିଶେଷ ଯତ୍ନ ନେବା ଉଚିତ୍। ଯେଉଁ କାର୍ଯ୍ୟଗୁଡ଼ିକ ଶନିଙ୍କ କୋପ ଦୃଷ୍ଟିକୁ ବୃଦ୍ଧି କରିବ ସେଗୁଡ଼ିକ ଆଦୌ କରିବା ଉଚିତ ନୁହେଁ। ତେବେ କେମିତି ଜାଣିବେ ଯେ ଆପଣଙ୍କ ଉପରେ ଶନି ଦଶା ପଡ଼ିଛି ବୋଲି। ଯେତେବେଳେ ଆପଣଙ୍କ ରାଶିରେ ଶନି ଦସା ଚଢ଼େ ସେତେବେଳେ କିଛି ଲକ୍ଷଣ ଦେଖାଯାଏ ।ଯେମିତିକି……. କାର୍ଯ୍ୟରେ ବାଧା ସୃଷ୍ଟି ହେବା, ଟଙ୍କା ପଇସାର ଅଭାବ ଦେଖାଦେବା , ଜମା ପୁଞ୍ଜି ଶେଷ ହେବାକୁ ଲାଗିବା, ଦାମ୍ପତ୍ୟ ଜୀବନରେ କଳି ଝଗଡ଼ା ହେବା, ପ୍ରେମ ସମ୍ପର୍କରେ ବାଧା ଉପୁଯିବା, ନାନାଦି ରୋଗ ହେବା ଭଳି ଲକ୍ଷଣ ସବୁ ଦେଖାଯାଏ ।

୨୦୨୨ରେ ଶନିଙ୍କ ରାଶି ପରିବର୍ତ୍ତନ:

ପଞ୍ଚାଙ୍ଗ ଅନୁଯାୟୀ, ଚଳିତ ବର୍ଷ ଅର୍ଥାତ୍ ୨୦୨୧ରେ ଶନି କୌଣସି ରାଶି ପରିବର୍ତ୍ତନ କରୁନାହାଁନ୍ତି। ହେଲେ ଆସନ୍ତା ବର୍ଷରେ ଅର୍ଥାତ୍ ୨୦୨୨ରେ ରାଶି ପରିବର୍ତ୍ତନ କରିବେ ଶନି। ଏପ୍ରିଲ ୨୯ ୨୦୨୨ରେ, ଶନି ଦେବ ରାଶି ପରିବର୍ତ୍ତନ କରିବେ। ଏବଂ ଏହାପରେ ଯାଇ ଏହି ୫ ରାଶିର ଝିଅମାନଙ୍କ ପାଇଁ ଶୁଭ ସମୟ ଆସିବ। ହେଲେ ସେତେ ପର୍ଯ୍ୟନ୍ତ ଏମାନଙ୍କୁ ଶନିଦଶା ଭୋଗିବାକୁ ପଡ଼ିବ। ତେଣୁ ଏହି ସମୟରେ ନିଜ ଶରୀର ଓ କର୍ମ ପ୍ରତି ଟିକେ ଧ୍ୟାନ ଦିଅନ୍ତୁ। ମନେରଖନ୍ତୁ ଅନ୍ୟାୟ ଓ ପାପ କର୍ମ କଲେ ଶନିଙ୍କ କୋପ ଦୃଷ୍ଟି ବଢ଼ିଥାଏ। ତେଣୁ ଯେତେ ସମ୍ଭବ ଏସବୁରୁ ନିବୃତ ରୁହନ୍ତୁ।

ଶନି ଦଶା ସମୟରେ କ’ଣ ଉପାୟ କରିବେ?

ମିଥୁନ, ତୁଳା, ଧନୁ, ମକର ଓ କୁମ୍ଭ ଏହି ୫ଟି ରାଶିର ବ୍ୟକ୍ତିମାନେ ବିଶେଷ କରି ଝିଅମାନେ ପ୍ରତ୍ୟେକ ଶନିବାର ଏସବୁ ଉପାୟ କରନ୍ତୁ….

ଶନିମନ୍ଦିରରେ ପୂଜା କରନ୍ତୁ।
ଶନିଦେବଙ୍କୁ ସୋରିଷ ତେଲ ଅର୍ପଣ କରନ୍ତୁ।
ଶନିବାର ଆମୀଷ ବର୍ଜନ କରନ୍ତୁ
ଗରିବଙ୍କୁ କଳା କମ୍ୱଳ ଦାନ କରନ୍ତୁ
କୁଷ୍ଠ ରୋଗୀଙ୍କ ସେବା କରନ୍ତୁ
ପଶୁପକ୍ଷୀଙ୍କର ସେବା କରନ୍ତୁ
ଏବଂ ପ୍ରତ୍ୟେକ ଶନିବା ଶନି ଚାଳିସା ପାଠ କରନ୍ତୁ ।
ଏସବ ଉପାୟ କରିବା ଦ୍ୱାର ଆପଣଙ୍କ ଉପରେ ଶନି ଦଶାର ପ୍ରଭାବ କମ୍ ରହିବ।